Neymar nuk u stërvit sot me Brazilin pas një dëmtimi të vogël që pësoi një ditë më parë në këmbë. Ylli i futbollit nuk merr pjesë në një ndeshje që prej muajit mars kur u dëmtua ndërsa luante në kampionat për Paris SG.

Braziliani vazhdon të stërvitet në Londër në qendrën e Tottenham ku është duke u përgatitet për Botërorin Rusi 2018, me shpresën që të lërë pas zhgënjimin e Kupës së Botës 2014, ku u eliminua në gjysmëfinale nga Gjermania pas asaj humbjeje historike 1-7.

Lojtari theksoi se do të jetë në formë të plotë për ndeshjen e parë në grupe, kundër Zvicrës më 17 qershor, por ka pak gjasa që ai të luajë të dielën kundër Kroacisë në një miqësore të programuar për t’u zhvilluar në Liverpool.

Ish-lojtari i Barça-s mund të jetë në fushë në “Anfield” në fundjavë, një rikthim për të, pasi u largua prej andej për në Spanjë vetëm në muajin janar.