Përpara disa ditësh, Departamenti Antikorrupsion bëri publike kryerjen e pagesës së parë nga Bashkia Tiranë , në favor të shoqerisë koncesionare të inceneratorit Tiranë, pra Klodian Zotos, që përfitoi edhe kontratat koncesionare të Elbasanit dhe Fierit.

Nisur nga Vendimi i Këshillit të Ministrave datë 31.05.2018, që vendos përdorimin e fondeve buxhetore për shoqerinë koncesionare, del e qartë se Zoto, i pamjaftuar me miliardat e marra deri më sot për inceneratoret e Elbasanit dhe Fierit për sherbime të pakryera, ka ngut të madh të gllaberojë sa më shumë e sa më shpejt të jetë e mundur.
Interesat e Zotos së impulseve, diktojnë vendimmarrjen për disbursim fondesh për vasalet në krye të institucioneve, pa pritur as procedurat që imponon ligji.