Ambasadori amerikan Lu në konferencën  rajonale kundër trafikimit të qënieve njerëzore,  ka deklaruar se Shqipëria ka treguar udhëheqje rajonale në luftën kundër trafikimit të personave.

Por Lu theksoi se qeveria duhet t’i adresojë fondet në ndihmë të vajzave dhe grave që janë viktima të trafikimit.

Në fjalën e mbajtur ai u shpreh se janë burrat ato që çojnë gratë në skllavëri, dhe se ata duhet të dënohen me forcën e ligjit.

Në konferencën “Përmirësimi i ofrimit të shërbimeve dhe vetëdijes për të luftuar trafikimin e personave në Ballkan” marrin pjesë edhe zv.ministrja e Brendshme Rovena Voda, si dhe Koordinatorët Antitrafik te Maqedonisë, Malit te Zi dhe Kosovës.