Nga Mhill Gecaj

Rrugë makine për Curraj Eper.  Zona e Nikaj-Mërturit po bëhet shembull në krahinat e Shqipërisë anembanë. Banorët dhe të larguarit nga zona po rikthehen jo vetëm fizikisht, por edhe me mundësitë e tyre financiare për të kontribuar në ndërtimin e disa rrugëve që do i japin frymëmarrje kësaj zone tashmë turistike.

Nikaj - Mërtur këto dy fise po "ringjallen" nga një braktisje, diku për fajin "e vet" dhe kryesisht për fajin e një politike në letargjinë e tejzgjatur ndër vite.

Dua të shpreh mirënjohjen me të thellë për Kryetarin e Bashkisë së Tropojës z. Besnik Dushaj dhe gjithashtu për koordinatorin Njësisë Administrative Nikaj Mertur z. Gjovalin Gjeloshi.

Në emër të Shoqatës Nikaj-Mërtur ju bëj thirrje për kontributin e të gjithëve kundrejt kësaj rruge, kësaj ëndrre qindra vjeçare të të parëve tanë, në veçanti Komunitet nga Curraj Eper kudo qe jetojnë, te kontribuojmë te gjithë sipas mundësive dhe dëshirës.

Zoti e bekoftë Nikaj - Mërturin dhe çdo kontribuues në këtë nismë.

Ne nuk mund te bëjmë pune te mëdha, Por ne mund të bëjmë punë te vogla me dashuri te madhe (Shen Nënë Tereza)