Është zbuluar një plantacion i madh marijuane në komunën e Trinitapolit, me mbi 1700 bimë të lartësive të ndryshme, pjesa më e madhe e të cilave ishte gati për korrje dhe përpunim.

Guardia di Finanza thotë se janë kapur katër persona të gatshëm për korrjen e bimëve, tashmë të arrestuar. Veç dy italianëve, ishte edhe një shqiptar e një venezuelian. Një tjetër shqiptar është denoncuar dhe do të ndiqet në gjendje të lirë.

I gjithë plantacioni do të prodhonte rreth tre kuintalë marijuanë, nga e cila mund të merreshin 250 mijë doza, me një vlerë përfitimi të paktën 2 milionë euro.