Ditën e djeshme, pas tërmetit, në godinën e Teatrit Kombëtar shkuan forcat zjarfikëse për të bërë verifikimet nëse ka plasaritje si pasojë e lëkundjeve.

Në mediat pranë qeverisë, u raportua se plasaritjet janë shkaktuar nga tërmeti.  Mirëpo, Aleanca për Mbrojtjen e Teatrit ka publikuar në Facebook, disa nga fotot e godinës së Teatrit Kombëtar që në janar të këtij viti, ku shihet qartë se plasaritjet kanë qenë që atë kohë, ndërsa po përpiqen  t’ia lënë tërmetit.

Aktori Neritian Liçaj teksa ka publikuar fotot, shkruan, “Ja dhe gënjeshtrat e institucioneve të shtetit. Shume turp! S’ka ku të vejë më. TURP!”. 

Kujtojmë që ditën e sotme në Kuvend do të votohet projektligji për Teatrin Kombëtar. Ndërsa aktorët e shoqëria civile do të protestojnë në orën 10:00 para Kuvendit.