IGJEUM njoftoi se sot pasdite, e diel, 8 korrik dhe nesër priten reshje “të dobëta” në pjesën më të madhe të territorit, por deri lokalisht mesatare në disa prej tyre, siç tregohet në tabelë, respektivisht për secilin qark.

Reshjet pritet të jenë të përqendruara kryesisht në pjesët malore të qarqeve dhe pranë tyre. Reshjet mund të jenë edhe në formën e shtrëngatave me kohëzgjatje të shkurtër.

TEMPERATURAT

Nesër temperaturat minimale dhe maksimale të ajrit pritet të arrijnë:

në bregdet: 20 / 27 °C

në vendet e ulëta: 18 / 29 °C

në vendet malore: 13 / 20 °C

ERA

Sot pasdite (e diel, dt.08) dhe nesër (e hënë, dt.09), era pritet të fryjë e lehtë deri mesatare në bregdet dhe në zonat malore (për momente të shkurtra deri e fortë).