Rezervuari i Vojnikut në Dibër është shndërruar në një burim infeksionesh. Banorët atje thonë se rezervuari që mban mijë metra kub ujë nuk pastrohet prej afro 30 vitesh cka e ka shndërruar në një basen të ujëravë të ndotura që rrezikon të shpërthejë në çdo kohë për shkak se shkarkuesit janë bllokuar! Ata japin alarmin dhe kërkojnë ndërhyrje të institicioneve që e kanë harruar këtë rezervuar tashmë të shndërruar në rrezik për qindra banorë të Vojnikut!
Ngjyra në sipërfaqe fsheh ndotjen në nivel alarmant në rezervuarin e fshatit fshatit Vojnik në njësinë Administrative Maqellarë të Bashkisë së Dibrës.
Baseni që mban mijëra metra kub ujë nuk përdoret e nuk pastrohet prej vitesh, ndaj është kthyer në një rezervuar të ujërave të zeza të një pjesë të fshatit!
Por ato që jetojnë pranë tij në pjesën e poshtme të rezervuarit thonë se janë të rrezikuar nga infeksionet apo në rastin më të keq edhe një shpërthim i mundshëm, pasi shkarkuesit janë bllokuar.
Nga rezervuari efektet e ndotjes kanë prekur edhe puset e ujit të pijshëm në fshat që kanë dalë tashmë jashtë funksioni.
Banorët e zonës japin alarmin për rreziqet që u kanoset dhe kërkojnë reagim të institucioneve.
Rezervuari ka një thellësi maksimale prej 30 metrash dhe mban mijëra metër kub ujë, çka përbën një rrezik të madh jo vetëm për përhapjen e infeksioneve por edhe për përmbytjen e fshatit.