Raporti i Departamentit Amerikan të Shtetit, nxorri edhe njëherë në dukje se si krim, problemi i pronave dhe korrupsioni vijojnë të lulëzojnë në Shqipëri, madje duke u rritur çdo ditë e më shumë.
Ish-kryeministri Sali Berisha, ka publikuar në Facebook, 6 pikat e raportit të DASH, të cilat vejnë në dukje të ‘zezat’ e Shqipërisë.
Duke i cilësuar si cvula të zeza, problematikat e nxjerra nga DASH mbi Shqipërinë, ish-kryeministri thekson se kjo ëhstë një thirrje e qartë për shqiptarët për të larguar një orë e më parë këtë qeveri të krimit dhe korrupsionit.
Postimi i plotë i ish-kryeministrit në Facebook:
6 vula të zeza nga Departamenti i Shtetit në fytyrën e Noriegës dhe Zho Zho-së tij!
Ata përgjigjen: shumë kemi vjedhur por më shumë do të vjedhim!
Të dashur miq në Raportin e Departamentit të Shtetit për klimën e investimeve në Shqipëri, Edi Rama dhe ministrat e tij hajna damkosen me vulë të zezë:
1. Vula e parë e zezë:
- Investitorët e huaj kanë shqetësim të madh korrupsionin (sidomos në sistemin e drejtësisë), mungesën e transparencës në prokurimet publike dhe zbatimin e dobët të kontratave (pasigurinë juridike).
2. Vula e dytë e zezë:
- Ndonëse reforma në drejtësi është në zbatim (përfshirë vetingun), investitorët e huaj kanë perceptim "problematik" mbi klimën e të bërit biznes dhe shprehen së Shqipëria mbetet një vend i vështirë për të investuar (...albania remains a difficult place to do business).
3. Vula e tretë e zezë:
- Investitorët shprehen për paqartësi në interpretimin e bazës ligjore (nga organet), gjë e cila nga njëra anë pengon investimet (dekujaron) dhe nga ana tjetër krijon hapësirat për "favore" për kompani me lidhje politike.
Legjislacioni ndryshon vazhdimisht dhe pa konsultime me komunitetin e biznesit.
Madje disa biznese të mëdha janë shprehur se kanë patur presione për të nënkontraktuar disa biznese specifike (favorizime).
Raporti thote se: janë të zakonshme raportimet për praktika korruptive në prokurimet publike (të shpeshta dhe të përhershme).
4. Vula e katërt e zezë:
- Praktikat PPP kane sjelle ulje të konkurrencës (ngushtim të hapësirave konkuruese).
Analizat e paplota dhe të cekta (të paplota, apo të varfëra) të "kosto-benefiteve" dhe mungesat në ekspertizën teknike (stafet teknike) në konceptimin, draftimin dhe zbatimin e PPP-ve janë një shqetësim i vazhdueshëm.
5. Vula e pestë e zezë:
- Problematikat me çështjet e pronësisë vazhdojnë të jenë sfidë për Shqipërinë. Mbetet e vështire pajisja me titullin e pronësise (prezente janë praktikat korruptive të tjetërsimit të pronës).
Kompensimi i tokave të konfiskuara gjatë regjimit komunist është vështirë i alokueshëm dhe i pamjaftueshëm (në aspektin financiar).
6. Vula e gjashtë e zezë:
- Raporti mbështet edhe të indeksi i korrupsionit të "transperancy international 2017", e cila e rendit Shqipërinë në vendin e 91 (nga 180 vende), duke shënuar një përkeqësim krahasuar me vitin 2016, përkeqësim me 8 vende (në 2016 ishin në vendin e 83).
Shqipëria perceptohet si vendi i dytë në Ballkanin Perëndimor "më i korruptuar".
Shqipëria vazhdon të ketë vlerësime negative përsa i përket respektit/zbatimit të kontratave, regjistrimit të pronës dhe furnizimit me energji elektrike.
Ky raport është një thirrje për çdo shqiptar ti flakë këto kalbësira një minutë e më parë! sb