Një ngjarje shumë e rëndë ka ndodhur vetëm pak minuta më parë në Kryeqytet. Një zjarr  ka rënë në çerdhen 14, në lagjen “Ali Demi”,  rreth orës 4.00 të mëngjesit të sotëm.

Shkak ka qenë shpërthimi i gazit në dhomën ku ishin vendosur bombolat e kuzhinës, thuhej në raportimin fillestar për ngjarjen. Ndërkohë që për Fax Neës kreu i zjarrfikëses së Tiranës Shkëlqim Goxhaj është shprehur se bombola ka qenë jashtë çerdhes.

Fatmirësisht, çerdhja ka qënë e mbyllur dhe nuk ka pasur fëmijë në atë orar. Policia e zjarrfiksësit kanë mbërritur dhe kanë bërë të mundur shuarjen e flakëve, duke lënë pas vetëm disa dëme materiale.

Por, ngjarja ka ngjallur panik tek prindërit e fëmijëve, kryesisht banorë të zonës, pasi kanë mësuar ngjarjen.