Ngjarja e rëndë e regjistruar ditën e djeshme në Çorrush të Mallakastrës, ku dy vëllezër u konfliktuan duke u përfshirë edhe fëmijët e tyre ka shkaktuar tronditje në familjet e tyre.

Ditën e stome për Fax Neës ka folur i plagosuri Sokol Lalaj  26 vjeç, i cili u qëllua nga kushëriri i tij 22-vjeçari, Fatjon Lalaj.

Ai është shprehur se si ka ndodhur ngjarja mes kushëririt duke treguar se konflikti ka nisur prej pronave, duke treguar se babai i tij dhe xhaxhai kanë një konflikt të hershëm për pronat.

“Unë jetoj në Ballësh, jam nga Çorrushi I Mallakastrës. Konflikte kemi me xhaxhanë për punën e tokave. Ditën e djeshme kishte bërë fjalë babi im me vëllain e tij, xhaxhain tim, për punën e tokave. Më merr vëllai im në telefon, më thotë ik bëjë denoncimin, se xhaxhai ka qëlluar babanë.

Bëra denoncimin dhe po prisja që të vinte policia. Sa u nisa lartë për të shkuar në Mallakastër, më vjen kushëriri,  djali i xhaxhait, shtizë me makinë, me sëpatë, e filloi po më godiste. Më ka çarë në të dyja krahët, filloi me bishtin e sëpatës. Më pas i bie sëpata dhe ikën me vrap, po aty ishte policia afër komisariatit dhe e morën”, është shprehur ai.