Nëse është kjo java që keni zgjedhur për pushime, atëherë jeni me fat, sepse moti do të jetë në favorin tuaj. Edhe java e parë e shtatorit do të shoqërohet nga mot i kthjellët dhe i nxehtë. Ky është parashikimi i meteorologëve për ditët e para të vjeshtës.

Sipas IGJEUM, gjatë ditës së hënë priten reshje të dobëta dhe nuk përjashtohet mundësia (ndonëse shumë e vogël) që pasditet në zona shumë të kufizuara të qarqeve, të kenë ndonjë reshje në formë shtrëngate me kohëzgjatje të shkurtër (jo më shumë se 1 orë), më e mundshme në terrenet malore (dhe ato pranë tyre).

Sa u përket temperaturave, ditën e hënë temperaturat minimale dhe maksimale pritet të arrijnë:

në bregdet: 21 / 29 °C

në vendet e ulëta: 19 / 31 °C

në vendet malore: 15 / 28 °C

Meteorologët parashikojnë se pas ditës së hënë dhe të martë (dy ditët më të freskëta të javës), temperaturat do të fillojnë të ngrihen duke shënuar vlera edhe më të larta se 32 gradë.