Një aksident masiv raportohet se ka ndodhur mëngjesin e ditës së sotme tek kryqëzimi i fshatit Laknas me rrugën e “Rinasit”, janë përplasur katër mjete.

Në një njoftim për mediat policia bën me dije se si pasojë e përplasjes janë dëmtuar dy pasagjerë mjetesh dhe një drejtues mjeti, të cilët aktualisht ndodhen në spital për ndihmë mjekësore dhe janë jashtë rrezikut për jetën.

Blutë e Tiranës bëjnë me dije se po kryhen veprimet e mëtejshme hetimore dhe proceduriale për përcaktimin e shkakut dhe rrethanave të përplasjes së mjeteve.