Policia e Durrësit zbardh dhe dokumenton ngjarjen ndodhur ditën e djeshme në lagjen Nr.16 ku u gjet pa jetë në banesë shtetasja F.Sh.

Në një njoftim shpërndarë për mediat, policia e Durrësit ka bërë me dije se është vënë në pranga nipi i të moshuarës, 21 vjeçar si autori i dyshuar i ngjarjes.

Specialistët për Hetimin e  Krimeve në Komisariatin e Policisë Durrës pas një pune të mirëfilltë hetimore kanë bërë të mundur zbardhjen e plotë të ngjarjes së ndodhur në lagjen Nr.16 ku u gjet e vdekur në banesë shtetasja F.Sh. 81 vjeçe.

Blutë e Durrësit kanë bërë me dije se është arrestuar në flagrancë  nipi i shtetases së mësipërme si autor i dyshuar i ngjarjes, shtetasi Redmon Gruda,  21 vjeç, banues në Durrës.

Gruda, dyshohet se mesditën e datës 27.09.2018, por motive të dobëta ka goditur disa herë me thikë në kokë gjyshen e tij, e cila si pasojë e plagëve të marra ka gjetur vdekjen e menjëhershme.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale" Vrasja për shkak të marrëdhënieve familjare".