Sekretariati Europian i Bashkëpunimit Rajonal (RCC), përmes një artikulli të fundit, bëri të ditur se në axhendën e vitit të ardhshëm, janë parashikuar ndryshime për synimet që vendet e Ballkanit duhet të përmbushin për arritjen e një tregu të përbashkët rajonal në shumë drejtime.
Sipas RCC, tre janë hapat kryesorë që u jepen shteteve të Ballkanit Perëndimor si ‘detyra shtëpie’ për vitin e ardhshëm, heqja e roaming në telekomunikacion, njehsimi profesional akademik, si dhe një projektim i planit të mirëfilltë të investimeve.
Përmes artikullit të publikuar së fundmi nga RCC, theksohet se takimi i radhës në 2019 në Poloni, do të sjellë një rifreskim të synimeve të parashikuara nga MAP REA, me qëllime më specifike. Sipas rishikimeve, rajoni duhet:
të vazhdojë drejt reduktimit të tarifave të roamingut në të gjitha vendet e Ballkanit Perëndimor dhe marrëveshjen e re / për të rishikuar roaming rajonale;
negociata të plota për njohjen reciproke të kualifikimeve profesionale dhe të nënshkruajë marrëveshjen për të, si dhe bien dakord mbi modelin për njohjen e kualifikimeve akademike;
si dhe të iniciojë zbatimin e reformave të investimeve në përputhje me RIRA, me aktivitetet e para të planifikuara të investimeve të realizuara (përfshirë turizmin).
Ekspertët theksojnë megjithatë se, në vitin e dytë të zbatimit të MAP REA janë arritur disa rezultate të prekshme: dinamika e riforcimit të tregtisë brendarajonale, përkatësisht protokoll shtesë mbi lehtësimin e tregtisë, është vendosur së bashku me marrëveshjen për fillimin e negociatave për përmirësimin e mekanizmit të zgjidhjes së mosmarrëveshjeve tregtare; Axhenda Rajonale për Reformën e Investimeve (RIRA) u miratua, duke përcaktuar prioritetet e përbashkëta për zhvillimin e tregjeve të kapitaleve dhe avancimet kryesore në specializimin e mençur; Axhenda dixhitale u lançua; vijoi procesi që synon reduktimin e roamingut brenda rajonit dhe BE dhe është iniciuar forcimi i bashkëpunimit ndërmjet autoriteteve të sigurisë kibernetike; është arritur marrëveshja për fillimin e negociatave për Marrëveshjen e Njohjes së Ndërsjellë mbi kualifikimet profesionale dhe synohen të miratohen Parimet për njohjen e kualifikimeve akademike.
Udhëheqësit e Ballkanit Perëndimor miratuan vitin e shkuar planin shumëvjeçar të veprimit për një zonë ekonomike rajonale në Ballkanin Perëndimor Gjashtë (MAP), në samitin e procesit të Berlinit të mbajtur në Trieste. MAP, zhvillimi i të cilit u koordinua nga RCC me kërkesë të Udhëheqësve të BB dhe mbështetur nga Komisioni Europian (KE), synon të mundësojë lëvizjen e lirë të mallrave, shërbimeve, kapitalit dhe fuqisë punëtore me kualifikim të lartë; duke e bërë rajonin më tërheqës për investime dhe tregti; duke përshpejtuar konvergjencën me BE-në, duke sjellë kështu prosperitet për qytetarët e Ballkanit Perëndimor.
