Siguria në plazhe, KLSH: Institucionet nuk kanë zbatuar rekomandimet për rojet në bregdet

Hënë, 24 June 2019 18:55

Kontrolli i Lartë i Shtetit ka tërhequr vëmendjen e institucioneve në lidhje me sigurinë në plazhe. Në një reagim të këtij institucioni theksohet se rekomandimet e bëra kundrejt Ministrisë dhe njësive vendore nuk janë marrë parasysh duke sjellë disa viktima që në fillim të këtij sezoni. Në raportin e KLSH-së  theksohet se është e rëndësishme të ndryshojë ligji dhe rojet e plazhit të jenë në varësi të bashkive.Ndërkohë prefekti i Vlorës ka paralajmëruar bizneset se penalizimet për sigurinë do shkojnë deri në pezullim të aktivitetit.

Kontrolli i Lartë i Shtetit i ka kërkuar Ministrisë së Turizmit dhe bashkive që të reagojnë dhe të ndryshojnë ligjin për sigurinë në plazhe.

KLSH i ka kërkuar Ministrisë së Turizmit dhe Mjedisit si dhe bashkive  që të ndërhyjnë në aktet ligjore dhe të bëhet përgjegjës bashkia për kontraktimin e vrojtuesit të plazhit  dhe jo stacioni i plazhit që e neglizhon dhe kostoja e vrojtuesit të plazhit të përfshihet në tarifën për dhënien me qira të stacioneve të plazhit.

Po ashtu KLSH ka rekomanduar që të përcaktohet institucioni përgjegjës për licencimin dhe trajnimin e vrojtuesit, ndërsa thekson se përgjatë bregdetit shqiptar do të duhen rreth 5000 vrojtues plazhi.

Në raportin e KLSH-së theksohet se rekomandimet janë bërë që vitin e kaluar, por asnjë prej tyre nuk është marë parasysh duke krijuar pasiguri përgjatë bregdetit shqiptar.

Ndërkohë që prefekti i Vlorës, Flamur Mamaj, paralajmëroi  sanksione për këdo që nuk merr masa të zbatoj rregullat dhe kriteret e sigurisë në plazhet e qytetit të Vlorës, saksione këto që fillojnë nga gjobat deri në mbylljen e plazhit.

Edhe pse është vetëm në fillim ky sezon turistik, në bregdetin shqiptar janë shënuar disa viktima.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Aktualitet

Me 221 km/h në aksin Sauk-TEG.

Një shpejtësi e çmendur dhe frikshme që rrezikon edhe përdoruesit e tjerë të rrugës. “Radari dhe polici të shpëtojnë jetën. Vijon të ndodhë në aksin rrugor Sauk – Teg. 221 km/h...

Çfarë duhet të pini për kujtesë dhe mendje të fortë? Ja kujdesi që ju duhet

Shëndeti

Çfarë duhet të pini për kujtesë dhe mendje të fortë? Ja kujdesi që ju duhet

Shëndeti i mirë i trurit do të thotë edhe shëndet i mirë i të gjithë trupit dhe jetë e gjatë. Kur flasim për kujdesin ndaj organizmit, ka me qindra mënyra...

Tërmet i fortë “shkund” Kretën

Aktualitet

Tërmet i fortë “shkund” Kretën

Lëkundje të forta sizmike krijuan panik te qytetarët e Kretës në mëngjesin e kësaj të enjteje. Kreta u godit nga një tërmet me magnitudë 4,9 e shkallës Rihter, mëngjesin e sotëm...

Sondazh

Nothing found!

Sondazh

Nothing found!