Ish-Presidenti i Shqipërisë, Bujar Nishani, ka reaguar pas lajmeve të medieve greke për trafikun e drogës Shqipëri-Ballkan. Kryetari i Këshillit Kombëtar të PD-së, thotë se narko-regjimi i kryeministrit Edi Rama, është rrezik edhe për shumë popuj. ”Përveç shqiptarëve, narko-rregjimi përbën rrezik për shumë popuj të tjerë! Këta duhen hetuar nga i pari tek më i fundit për krim, bashkëpunim me krimin, përfitime nga krimi dhe shpërdorim të rëndë të detyrës”.

Postimi i plotë

Trafiku i drogës nën narko-rregjimin e rilindësve nuk ka të ndalur. Tashmë prej Shqipërisë drejt Turqisë mespërmes Greqisë. Vrasje, drogë, hajdutëri masive, çdo ditë, natë e ditë, ky është modeli që jo vetëm nuk na duhet por ta rrëzojmë sa më parë. Përveç shqiptarëve, narko-rregjimi përbën rrezik për shumë popuj të tjerë! Këta duhen hetuar nga i pari tek më i fundit për krim, bashkëpunim me krimin, përfitime nga krimi dhe shpërdorim të rëndë të detyrës!