Si në filma/SHBA sjell në Tiranë pajisjen që zbulon të vërtetën

Premte, 22 November 2019 19:28

I kemi parë shpeshherë në filmat aksionë të Hollywood-it, por së shpejti do të jenë të përdorueshme edhe në Shqipëri.

Siç njoftoi pak më herët ambasada amerikane në Tiranë, SHBA i ka dhuruar Shqipërisë 5 pajisje poligraf, ose ndryshe “makina e së vërtetës”.

 

“Këtë javë, Byroja Kombëtare e Hetimit (BKH) hodhi një tjetër hap përpara drejt ngritjes së saj me dhurimin e pesë paketave të kontrollit poligraf nga qeveria e Shteteve të Bashkuara për Ministrinë e Brendshme. Pajisjet do të përdoren nga poligrafë të trajnuar nga Shtetet e Bashkuara, të cilët do të kryejnë testimet e aplikantëve për Byronë Kombëtare të Hetimit, për të ndihmuar në ruajtjen e standarteve më të larta të integritetit. Dhurimi dhe certifikimi i poligrafëve është pjesë e një program dhjetë javor, financuar nga Byroja e Departamentit të Shtetit për Çështjet Ndërkombëtare të Zbatimit të Ligjit dhe Luftës ndaj Drogës nëpërmjet Programit Ndërkombëtar të Ndihmës për Trajnime në Hetimet Penale (ICITAP). Drejtori i Përgjithshëm dhe ekipi menaxhues i Shërbimit të Çështjeve të Brendshme dhe Ankesave (SIAC) – organizata që do të punësojë shqyrtuesit e poligrafeve – iu bashkuar drejtuesit të programit ICITAP dhe drejtueses së INL në Shqipëri për ceremoninë e dorëzimit të pajisjeve”, thuhet në njoftimin e ambasadës.

 

Po çfarë është një test poligrafik?

Testet poligrafike regjistrojnë një numër përgjigjesh të ndryshme që jep trupi i njeriut, të cilat më pas mund të përdoren për të përcaktuar nëse dikush po thotë të vërtetën ose jo.

Ato zakonisht masin presionin e gjakut, ndryshimet në frymëmarrje, djersitjen e duarve etj.

"Poligrafi, si çdo teknikë tjetër e zbulimit të së vërtetës, mat efektet indirekte të gënjeshtrës", thotë Dr Sophie van der Zee, ekspert në psikologjinë mjekoligjore, i cili ka hulumtuar mashtrimin për shumë vite.

"Por gënjeshtra mund të rrisë stresin ... dhe me teknikat e zbulimit të gënjeshtrës mund të matni ndryshimet e sjelljes dhe fiziologjike që ndodhin kur ndjeni stres", vijon ai.

Pra, testet poligrafike nuk e matin mashtrimin ose gënjeshtrën drejtpërdrejt, por më saktë shenjat e mundshme që një person mund të mashtrojë intervistuesin.

Ky informacion përdoret më pas në lidhje me gjithçka tjetër që dihet për personin për të formuar një panoramë më të qartë nëse janë apo jo të vërteta ato çfarë ai deklaron. /SYRI.net

Image

 

© SYRI.net

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Çfarë do të ndodhte nëse tërmeti do ta kishte epiqendrën në Tiranë?/ Ja çfarë thotë inxhinieri i njohur

Aktualitet

Çfarë do të ndodhte nëse tërmeti do ta kishte epiqendrën në Tiranë?/ Ja çfarë thotë inxhinieri i njohur

I ftuar në programin “Historia ime” në Klan, ka qenë inxhinieri i njohur Arben Meçe, i cili ka treguar për problematikat e ndërtimeve që u evidentuan pas tërmetit. Sipas tij...

Tërmeti i 26 nëntorit, Kisha Orthodokse pa dallim besimi në ndihmë të personave në nevojë

Aktualitet

Tërmeti i 26 nëntorit, Kisha Orthodokse pa dallim besimi në ndihmë të personave në nevojë

Tërmeti i 26 nëntorit që kaluam, për të gjithë ne që ishim pranë epiqendrës apo edhe ne perimetrin e lëkundjeve shkatërruese të tij, ishte një provë e vështirë për ne...

Shqiptari theri gruan në shtëpi, procesi që po trondit Britaninë e Madhe

Aktualitet

Shqiptari theri gruan në shtëpi, procesi që po trondit Britaninë e Madhe

Një proces gjyqësor ky i dyshuar kryesor është një bashkëshort shqiptar po mbahet në Britaninë e Madhe, ku Fatos Xheta akuzohet se ka vrarë bashkëshorten e tij Safie Xheta. Fatos Xheta...

Sondazh

Nothing found!

Sondazh

Nothing found!