“I bija telefonit, nuk ma hapte. Mora vesh se vajza kishte tentuar t’i jepte fund jetës”

Diel, 19 Janar 2020 19:57

Në rubrikën “Ka një mesazh për ty” në Tv Klan, Shqipja rrëfeu në studio se kur vajza e saj ishte 15 vjeç vendosi ta martonte. Gjërat po shkonin mirë deri në momentin kur vajza lindi dhe ata kuptuan se vogëlushi ishte me epliepsi. Aty filluan edhe vuajtjet e Sarës për shërimin e djalit të saj. Familja e burrit nuk e përkrahte, madje edhe burri pas një periudhe kohe mbështeti prindërit dhe jo përpjekjet e Sarës për kurimin e djalit.

Shqipja tregon se nga presioni i madh, vajza e saj tentoi të vetëvritet duke pirë edhe ilaçe. Katër ditë Sara luftoi me jetën në spital, por Zoti bëri mrekulli me të dhe ajo arrit të shpëtonte. Ajo së bashku me vogëlushin, pas daljes nga spitali largohet nga burri dhe familja e tij dhe shkon të jetojë me prindërit. Në studio mamaja e saj i kërkon falje dhe gjithashtu i bën edhe një premtim vajzës.

Ardit Gjebrea: Po pse çfarë ndodhi?

Shqipja: Ata vazhduan prapë të njëjtën histori. Se dilte me fëmijën, donte t’i blinte fëmijës lodra, gjëra. Ajo vjehrra gjithmonë i thoshte gocës, mos i bli se ai nuk ecën, nuk flet, pse e çon tek spitali?

 

Ardit Gjebrea: Si e përjetonte Sara këtë?

Shqipja: Shumë keq e përjetonte, sa një ditë ajo u ndje shumë keq. Kur i bleu një biçikletë djalit dhe i tha e vjehrra: Pse ja blen ai nuk ecën, ç’e donte atë biçikletë djali, ai nuk ecën dhe nuk ka për të ecur. Dhe ajo nuk mendoi asnjë gjë Ardit..

Ardit Gjebrea: Dhe?

Shqipja: Ajo përfundoi në spital!

Ardit Gjebrea: Si e more vesh ti?

Shqipja: E mora vesh nga kunata. I bija telefonit dhe nuk ma hapte, nuk më përgjigjej. Më mbrapa e hapi dhe tha Sara nuk dihet mirë, se ka pirë ilaçe tha.

Ardit Gjebrea: Pra Sara donte t’i jepte fund jetës?

Shqipja: Po Ardit, donte t’i jepte fund jetës se u lodh nga kjo gjë. Por kur e pashë gocën në atë gjendje: Boll thashë, goca ime nuk shkon më aty.

Ardit Gjebrea: Sara ka kaluar 4 ditë të tmerrshme në shtrat, spital, duke luftuar me vdekjen dhe Zoti donte ta shpëtonte dhe e shpëtoi.

Shqipja: Zoti dha një mrekulli për mua shumë.

Ardit Gjebrea: Për ta patur ju pranë, por mbi të gjitha djali i saj,

Shqipja: Mora gocën nga spitali, vajta mora djalin tek njerëzit e burrit të gocës me gjithë gocën se thoshte vajza: Nuk shkoj në shtëpi pa djalin, unë pa Sabianin nuk shkoj në shtëpi.

Ardit Gjebrea: Sa kohë ka kaluar nga kjo histori?

Shqipja: 8 muaj!

Ardit Gjebrea: Si është sot Sara?

Shqipja: Sot është shumë më mirë. Për mua është faleminderit Zotit!

Ardit Gjebrea: Pse e ke thirrur sot Sarën?

Shqipja: Sarën sot e kam thirrur që t’i kërkoj falje shumë, se padashje jo sesi kam qëndruar pranë, por jo shumë, por tani e më mbrapa do na ketë shumë përkrahje Sara.

Sara përlotet kur shikon në anën tjetër të ekranit mamanë e saj: Nuk e prisja kurrë. Familja ime nuk dua të ndihet keq për këtë gjë që më ka ndodhur, se gjithkujt mund t’i ndodhi. Në fakt jam shumë krenare që kam një familje aq të mirë dhe që më ka mbështetur deri më sot. /tvklan.al

 

 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Italia dhuron 65 milionë euro për rindërtimin në Shqipëri

Politikë

Italia dhuron 65 milionë euro për rindërtimin në Shqipëri

Italia dhuron një shumë të madh për procesin e rindërtimit në Shqipëri. Fqinjët kanë dhuruar plot 65 milionë euro për të ndihmuar popullin shqiptar, që sipas ministrit të jashtëm italian...

U gjet i lidhur dhe me katër brinjë të thyera, shqiptarët vjedhin dhe rrahin brutalisht italianin

Kronikë

U gjet i lidhur dhe me katër brinjë të thyera, shqiptarët vjedhin dhe rrahin brutalisht italianin

Katër shqiptarë u arrestuan për grabitje ndaj një 85-vjeçari në Lignano, në mbrëmjen vonë të së enjtes Shqiptarët aktualisht mbahen në burgun e Udine. Viktima e sulmit është shtetasi italian, Giuseppe Spartà...

E frikshme! Koronavirusi “gjunjëzon” botën, po shkon në 2 mijë numri i viktimave

Globi

E frikshme! Koronavirusi “gjunjëzon” botën, po shkon në 2 mijë numri i viktimave

Autoritetet shëndetësore në Kinë njoftuan sot se numri i të infektuarve me koronavirus ka shkuar në mbi 70 mijë, ndërsa numri i të vdekurve është rreth 1 mijë e 800...

Sondazh

Nothing found!

Sondazh

Nothing found!