Abuzime me çmimet në kohë koronavirusi, ndëshkohen me gjoba 7 administratorë subjektesh, 3 nën hetim

E Enjte, 26 Mars 2020 16:00

Ndonëse vendi ynë po përjeton ditë të vështira për shkak të koronavirsuit, kur nga njëra anë disa familje shqiptare nuk kanë me se të mbyllin shpenzimet mujore, disa të tjerë mundohen të përfitojnë sa të munden.

Në sajë të aksionit që ka nisur kundër këtyre rasteve, policia gjatë 24 orëve të fundit ka proceduar penalisht 3 administratorë subjektesh dhe janë ndëshkuar me masë administrative 9 të tjerë. Në vijim të operacionit kundër informalitetit, si dhe në zbatim të masave për parandalimin e abuzimit me çmimet si pasojë e shfrytëzimit të situatës, nisur dhe nga denoncimet e shumta të bëra nga qytetarët në numrin 112 dhe Komisariatin Dixhital, të cilët kanë denoncuar subjekte që abuzojnë me çmimet e produkteve që tregtojnë në pikat e shumicës dhe të pakicës të tregut të fruta-perimeve, ushqimeve dhe produkteve farmaceutike apo që nuk u lëshojnë kuponin tatimor, në të gjithë vendin vijojnë kontrollet për evidentimin dhe ndëshkimin e këtyre rasteve.

Në Tiranë, specialistët për Hetimin e Krimit Ekonomik e Financiar në Drejtorinë Vendore të Policisë Tiranë, së bashku me strukturat e Hetimit Tatimor dhe AKU-së, ndëshkuan administrativisht 7 administratorë subjektesh.

Janë ndëshkuar me masë administrative 50.000 lekë, 7 administratorë, konkretisht shtetasit J. P., K. B., M. Xh., K. S., P. C., M. A. dhe G. P., pasi në tregun agroushqimor, në minimarketet dhe marketet në pronësi të këtyre shtetasve janë konstatuar raste të abuzimit me listën e çmimeve, si dhe moslëshim i kuptonit tatimor.

Gjithashtu, po në Tiranë u procedua penalisht shtetasi P. Ç., për mospagim takash dhe tatimesh, si dhe fshehje të ardhurash, pasi në farmacinë e tij tregtonte medikamente pa kupon tatimor. Në Vlorë u ndëshkuan me masë administrative 50.000 lekë secili, shtetasit M. I. dhe A. A., pasi gjatë kontrolleve nga specialistët për Hetimin e Krimit Ekonomik e Financiar në DVP Vlorë, në bashkëpunim me strukturat e Hetimit Tatimor dhe AKU-së, në subjektet e këtyre shtetasve u konstatua se nuk lëshohej kupon tatimor.

 

Gjithashtu, po në Vlorë u proceduan penalisht shtetasi me inicialet M. Xh., pasi është konstatuar duke ushtruar aktivitet tregtar të padeklaruar në institucionet përkatëse dhe shtetasi E. Gj., pasi u konstatua se ushtronte aktivitetin tregtar në mënyrë të parregullt.

Policia e Shtetit fton qytetarët që të denoncojnë në 112 dhe Komisariatin Dixhital, çdo rast të abuzimit me çmimet dhe moslëshimin e kuptonit tatimor, duke u garantuar anonimat të plotë dhe reagim të shpejtë e të paanshëm.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

“Një pyetje për zonjën Ambasadore”, Xhaferraj: Po topi i gazetës “Bild” për dosjen 339, do vazhdojë të qëndrojë në ajër?

Politikë

“Një pyetje për zonjën Ambasadore”, Xhaferraj: Po topi i gazetës “Bild” për dosjen 339, do vazhdojë të qëndrojë në ajër?

Kryetari i Degës së Partisë Demokratike në Durrës Ferdinand Xhaferraj ka rikthyer edhe njëherë vëmendjen drejt hetimeve për vjedhjen e votave në Durrës dhe Shijak. Xhaferraj i referohet pikërisht dosjes 339...

Ndarja nga jeta e kompozitorit Përparim Tomcini, Luan Rama: Iku njeriu zemërbardhë e miku zemërmirë

Politikë

Ndarja nga jeta e kompozitorit Përparim Tomcini, Luan Rama: Iku njeriu zemërbardhë e miku zemërmirë

Ish deputeti i LSI Luan Rama me anë të një statusi në “Facebook” ka kujtuar ndarjen nga jeta të kompozitorit të njohur dibran Përparim Tomcini. Rama shprehet se sot iku nga...

Mori pjesë në marshim/ Babai i vajzës së dhunuar: Po më bëjnë shantazh, duan të më vrasin. Edi Rama foli vetëm për …

Aktualitet

Mori pjesë në marshim/ Babai i vajzës së dhunuar: Po më bëjnë shantazh, duan të më vrasin. Edi Rama foli vetëm për …

Babai i vajzës së dhunuar seksualisht nga roja i shkollës, Abaz Doku, dhe tre minorenë, ka qenë sot i pranishëm në protestën e organizuar nga shoqëria civile, kundër dhunës ndaj...

Sondazh

Nothing found!

Sondazh

Nothing found!