132 shtetas shqiptarë, që ndodhen në Britaninë e Madhe, do të rikthehen ditën e nesërme në Shqipëri përmes një avioni charter të vendosur nga qeveria shqiptare.
Njoftimin e jep vetë ambasada shqiptare në Londër, e cila ka publikuar edhe listën emërore.
"Të dashur bashkëatdhetarë, ju informojmë se fluturimi çarter Londër (Luton) - Tiranë (Rinas) do të jetë nesër më datë 1 prill, në ora 12:00.
Bashkëlidhur është lista e pasagjerëve që do të nisen nesër për në Tiranë me avionin çarter nga aeroporti i LUTON.
Të gjithë personat e listës duhet të paraqiten jo më vonë se 3 orë përpara fluturimit. Të gjithë udhëtaret duhet të jenë të pajisur me maskë dhe me doreza, të cilat do të mbahen gjatë gjithë udhëtimit", thuhet në njoftimin e ambasadës shqiptare në Londër.
LISTAT EMËRORE:
