Shtohet testimi... shtohen edhe rastet me COVID-19

Tuesday, 05 May 2020 12:53

Shqipëria numëroi 17 raste të reja gjatë 24 orëve të fundit me koronavirus, ku përfshihet së paku një vatër e re në Kamëz. Shtimi i rasteve u argumentua nga autoritetet si rrjedhojë e “rritjes së vigjilencës së tyre”.
BIRN
Autoritetet shëndetësore shqiptare raportuan një numër të rritur rastesh si dhe një vatër të re në qytetin e Kamzës pranë Tiranës të martën, pas një jave qetësie me shifra të ulëta.

Drejtoresha e Institutit të Shëndetit Publik Albana Fico deklaroi se 17 raste të reja me koronavirus u identifikuan gjatë 25 orëve të fundit, nga të cilat, 11 janë raste kontaktesh të pesonave të prekur më parë ndërsa për gjashtë raste hetimi epidemiologjik po vijon. Rastet e reja janë 9 në Tiranë, 5 në Krujë dhe 3 në Kamëz. Sipas Ficos, tre rastet e Kamzës janë në të njëjtën familje. Kamza shtohet për herë të parë në listën e qyteteve të prekura nga pandemia.

Shqipëria ka shënuar 6 deri në 9 raste të reja në ditë që nga e enjtja e kaluar, ndërsa autoritetet kanë gjetur rastin të vetëlavdërohen për këtë rënie të rasteve duke e argumentuar rënien me efikasitetin e masave të marra ndërsa e konsideruan javën e kaluar si “kalim me sukses të fazës së parë të epidemisë”.

Por të martën, ndërsa numri i rasteve u rrit, Fico tha: “Është rritur vigjilenca për testimin, identifikimin, gjurmimin në kohë të rasteve të dyshuara me COVD-19”.

Vigjilenca duket se reflektohet edhe në numrin e testimeve, që është edhe një debat i nxehtë politik në vend. Në 24 orët e fundit janë kryer 270 testime nga 140 në ditën më parë.

Ministria e Shëndetësisë ka deklaruar në fillim të pandemisë se vendi ka kapacitete për të kryer 200 deri në 500 restime në 24 orë, por 270 është numri më i lartë i shënuar deri më sot dhe ky numër është shënuar në vetëm tre raste.

Grafiku shqiptar i numrit të rasteve pozitive merr kështu edhe një herë drejtimin për lartë, hera e katërt që nga fillimi i epidemisë, gjë që përbën një ecuri të pazakontë kurbe brenda një kohe kaq të shkurtër.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...