Të pakta janë pishinat që mund të shndërrohen në objekte kulturore të një vendi. Një prej tyre pritet të jetë edhe pishina më e re që do të ndërtohet në Kopenhagën.

Pishina do të ketë formën e një piramide gjigante të përbërë nga disa piramida (pishina) më të vogla, ku secila prej tyre lidhet me njëra-tjetrën me kanale të mbushura me ujë që arkitektët i kanë quajtur ashensorë ujorë.

Studioja arkitekturore që fitoi konkursin për të këtë projekt është Kengo Kuma & Associates nga Japonia.

Ideja kryesore e tyre ishte që të theksonin mbi të gjitha rëndësinë e ujit në historinë e njerëzimit që nga fillimet e tij e deri në ditët e sotme.

Kjo qendër plot me pishina do të ketë sipërfaqe prej 5,000 metra katrorë

Ajo pritet të hapet në vitin 2021 dhe do t’i japë zonës së ishullit Paper në Kopenhagën pamje krejtësisht të re, sepse pritet të tërheqë numër të madh turistësh.\

Çdo pishinë ka një hapësirë dhe ndriçim specifik dhe secila duket sikur është e ndarë nga të tjetra, duke i krijuar në këtë mënyrë të gjithë atyre që duan edhe pishina të vogla dhe me pak njerëz, jo hapësira gjigante të mbipopulluara.

Sipas një deklarate të zyrës së bashkisë së Kopenhagës, ndërtesa, e cila sipas tyre nuk mund të quhet thjesht një pishinë por një qendër e madhe dhe një projekt unik, i cili do të krijojë një lidhje midis tokës dhe ujit,  shpresohet që t’i japë jo vetëm ishullit Paper por të gjithë Kopenhagës pamje të re dhe më tërheqëse për turistët.