Qeveria është tërhequr dhe ka pranuar kërkesën e farmacistëve  për ribërjen e kontratës për rimbursimin e barnave.

Bisedimet mes qeverisë dhe farmacistëve do të vijojnë ditën e nesërme, në orën 11:00,ku do të bisedohet për riformulimin e kontratës së ilaçeve.

Në këtë bisedim do të marrin pjesë farmacistë nga i gjithë vendi.

Drejtuesit e Fondit të Sigurimit të detyrueshem të Kujdesit Shendetësor dhe përfaqësues të urdhrit të farmacisteve janë takuar sot në ambientet e FSDKSH, ku kanë diskutuar në lidhje me kontratat e reja mes Fondit dhe Farmacive për rimbursimin e barnave. Të dyja palët janë dakordësuar që bisedimet do të vazhdojnë nesër në nivel teknik me grupe me të gjera perfaqësie, për të diskutuar çdo pretendim të farmacistëve dhe çdo pikë të kontratave të miratuara nga Fondi.