“Luftim e Mundim”, për fillimin e Luftës së Dytë Botërore në muze

E Enjte, 19 September 2019 14:06

Në Muzeun Historik Kombëtar u hap ekspozita me titull “Luftim e Mundim”. Ky aktivitet organizohet me rastin e 80-vjetorit të fillimit të Luftës së Dytë Botërore dhe vjen si bashkëpunim midis Muzeut Historik Kombëtar dhe Ambasadës së Republikës së Polonisë në Tiranë. Të ftuar në ceremoninë e hapjes ishin personalitete të shumtë si, diplomatë dhe ambasadorë të akredituar në Tiranë, politikanë të ndryshëm, historianë dhe personalitete të fushës së artit dhe të fesë. Ekspozita përmbante foto dhe materiale të ndryshme historike. Ekspozita që në ditën e parë të hapjes u përcoll me interesin e të pranishmëve, por me shumë rëndësi ishte dhe nga historianët. I pranishëm në ekspozitë, drejtori i Muzeut Historik Kombëtar dr. Dorian Koçi ndër të tjerash theksoi se nga lufta Polonia pasoi dëme të mëdha njerëzore, por edhe materiale. "Kujtesa jonë kolektive për tragjedinë e Luftës së Dytë Botërore bashkon brezat dhe mbetet një shprehje respekti maksimal për sakrificat e paraardhësve tanë. Gjatë Luftës së Dytë Botërore, Polonia pësoi dëme të mëdha materiale dhe njerëzore. Mjaft polakë u vranë në ekzekutime publike, ata u pushkatuan, u ekzekutuan duke u djegur të gjallë, ndërsa mjaft polakë të tjerë u asgjësuan në dhomat e gazit. Rreth 6.000.000 qytetarë polakë humbën jetën në Luftën e Dytë Botërore", u shpreh në fjalën e tij drejtori Dorian Koçi. Ambasadori i Republikës së Polonisë në Tiranë z. Karol Bachura, mes të tjerave u shpreh se ekspozita tregon historinë e popullit polak. Në fjalën e tij ambasadori Bachura tha se lufta shkaktoi miliona viktima. "Në agimin e 1 shtatorit të vitit 1939 ushtria gjermane pushtoi Poloninë, duke filluar Luftën e Dytë Botërore. Lufta fillimisht u përhap në Evropë dhe më pas u zgjerua në gjithë botën, duke çuar në katastrofën më të madhe në historinë e njerëzimit, duke shkaktuar disa miliona viktima të pafajshme. “Luftim e Mundim” tregon historinë e luftës së popullit polak kundër regjimeve totalitare, për liri dhe heroizmin për të shpëtuar të tjerët, guximin e ushtarëve dhe popullit të thjeshtë, vëllazërimi i armëve dhe lufta për lirinë vendeve të tjetra - të gjitha këto meritojnë përkujtimin tonë”, u shpreh ambasadori Karol Bachura gjatë ceremonisë së hapjes së ekspozitës në Muzeun Historik Kombëtar. Kjo ekspozitë do të qëndrojë për disa ditë në Muzeun Historik Kombëtar.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...