Bujar Alimani me “Delegacionin”, për herë të tretë në garën për Oscar

Saturday, 21 September 2019 15:03

Shqipëria përfaqësohet me filmin “Delegacioni” në garën për Oscar. Komisioni i ngritur nga Qendra Kombëtare e Kinematografisë ka vendosur unanimisht me shumicë absolute votash, në votim të hapur të zgjedhë filmin “Delegacioni”, me regji të Bujar Alimanit dhe skenar të Artan Minarollit, prodhuar nga Emir Turkeshi Gramo, si kandidatin e sivjetshëm shqiptar për “Filmin Artistik Ndërkombëtar” më të mirë në AMPAS. Pas premierës, fitores së çmimit të madh në Varshavë, “Delegacioni” është përzgjedhur ndërkohë në mbi 16 festivale ndërkombëtare, në të cilat ka fituar 11 çmime. Kjo është hera e tretë, që regjisori Bujar Alimani përfaqëson Shqipërinë në garën për “Oscar” me filmat e tij. Hera e parë ka qenë me filmin “Amnistia”, kur u zgjodh në vitin 2011 dhe përfaqësoi Shqipërinë në këtë garë çmimesh në vitin 2012. Më pas ishte me filmin e tij “Krom” në 2016, ku konkurroi në 2017 dhe tashmë me filmin “Delegacioni”, ku gara për çmimet është vitin që vjen. Këto ditë regjisori Alimani ndodhej edhe në Ulqin, ku prezantoi filmin në festivalin “Seanema Film Festival”. Filmi “Delegacioni” i nis ngjarjet në tetor 1990, regjimi komunist në Shqipëri po përpiqet të mbajë pushtetin. Një delegacion evropian vjen në Tiranë për të monitoruar zbatimin e reformave të qeverisë, një parakusht i madh që Shqipëria të pranohet në OSBE. Leo është marrë fshehurazi nga një burg i largët dhe është sjellë në kryeqytet. Ai ka qenë një i burgosur politik për 15 vjet. Tani ai është bërë jashtëzakonisht i vlefshëm për qeverinë. Delegacioni evropian udhëhiqet nga një shok i shkollës së vjetër të Leos. Detyra e tij është të kontrollojë progresin e të drejtave të njeriut në Shqipëri. Leo mund ta bindë atë se gjithçka është në rregull. Por asgjë nuk shkon siç është planifikuar. Për regjisorin Alimani filmi përcjell mesazhe të forta. Në reagimin e tij më herët regjisori ka treguar se edhe sot shoqëria vuan pasojat e atij sistemi, që lamë pas, por këtë herë me një formë të re. Në film luajnë aktorët Viktor Zhusti, Xhevdet Ferri, Ndriçim Xhepa, Richard Sammel, Kasem Hoxha, ndërsa nga Kosova në film paraqiten aktorët Bislim Muçaj, Selman Lokaj, Avdullah Gjikokaj, Fatlume Bunjaku, Armend Ismajli, Gani Morina, Artan Selimi, Imer Loshi.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Lotaria Amerikane/U shty për shkak të pandemisë, pritet sot dalja e përgjigjeve

Aktualitet

Lotaria Amerikane/U shty për shkak të pandemisë, pritet sot dalja e përgjigjeve

  Të gjithë ata që kanë aplikuar për lotarinë amerikane dhe iu është dashur të presin dhe një muaj më tepër do të mund të mësojnë nga sot nëse janë fitues. Ndonëse...

FOTO/ Thaçi selfie me Ramën: Me Edin si çdoherë, pa protokoll...

Politikë

FOTO/ Thaçi selfie me Ramën: Me Edin si çdoherë, pa protokoll...

Gjatë vizitës së tij në Tiranë, presidenti i Kosovës Hashim Thaçi është takuar edhe me kryeministrin Edi Rama. Përmes një postimi në Facebook, kreu i shtetit në Prishtinë shkruan se takimi...

Gjykata e Apelit kthen në detyrë anëtarin e KPA-së, Luan Daci

Aktualitet

Gjykata e Apelit kthen në detyrë anëtarin e KPA-së, Luan Daci

Gjykata e Posaçme e Apelit kundër Korrupsionit dhe Krimit të Organizuar vendosi të ndryshojë vendimin e Gjykatës Kundër Korrupsionit dhe Krimit dhe ta rikthejë në detyrë anëtarin e KPA, Luan...

Sondazh

Nothing found!

Sondazh

Nothing found!