Teatri Kombëtar, sezoni artistik me katër premiera

Diel, 13 October 2019 09:09

Drama “Xhelatët” e autorit  McDonagh është vepra e parë, që çeli sezonin artistik të Teatrit Kombëtar në “ArTurbina”. Vepra vjen në skenë me regji nga Qëndrim Rijani, si dhe një kastë aktorësh të njohur të teatrit. "Xhelatët" është një produksion i madh nga Teatri Kombëtar, që finalizohet pas një pune disa mujore. Pas kësaj vepre në skenë priten gjatë këtij sezoni artistik dhe premiera të tjera. Drejtori i teatrit Hervin Çuli shprehet se ky sezon artistik ka katër vepra teatrore premierë. ““Xhelatët” e autorit Martin McDonagh me regji nga Qëndrim Rijani, “Skena nga një ekzekutim” e Howard Baker me regji Rovena Lule, “Koriolanos” i Shekspirit me regji të Altin Bashës dhe “Borgjezi fisnik” e Molierit”, shprehet drejtor Hervin Çuli. Bordi artistik i Teatrit Kombëtar ka në përbërje të tij artistë, por dhe përfaqësues nga institucionet. Në bordin artistik janë aktorja Margarita Xhepa, e cila është edhe në cilësinë e kryetares së bordit, dramaturgu Bashkim Hoxha, gazetari Andi Tela, Herida Duro si përfaqësuese e Ministrisë së Kulturës, një përfaqësuese e Ministrisë së Financave, Zamira Kita drejtoreshë e teatrit “Andon Zako Çajupi” në Korçë dhe shkrimtari Preç Zogaj. Ky sezon artistik u hap më dramën “Xhelatët” në skenë për publikun, por sa i përket dramaturgjisë shqiptare sipas drejtorit Hervin Çuli ajo do të marrë vendin që i takon në momentin, që është një vepër e mirë. “Këtë vit besoj se ne nuk kemi pas edhe prurje nga drama shqipe për të qenë pjesë e Teatrit Kombëtar. Vjet kemi pas dy vepra, “Tag” të Bashkim Hoxhës dhe “Pengu” të Saimir Gongo. Këtë vit nuk kemi pasur edhe kërkesa për t’u përfshirë në TK. Unë vazhdoj që të jem me idenë se jo domosdoshmërish një institucion teatral duhet që të kërkojë me dhunë për të gjetur një tekst të dramaturgjisë vendase, sepse kjo nuk bëhet me shiringë. Drama shqipe do të marrë vendin që i takon në momentin, që ka një vepër të mirë”, vijon Çuli. Vepra teatrore “Xhelatët” trajton temën e dënimit me varje. Historia zhvillohet në Anglinë e viteve 1965. Regjisori Rijani pohon se “Xhelatët” është një vepër, që përveç faktit që ka rrëmbyer çmime dhe është një pjesë e re, shumë shpejt po bëhet pjesë e teatrove më të mira të botës. Vepra është përkthyer nga Artur Lena dhe në skenë ajo interpretohet nga aktorë të njohur si Lulzim Zeqja, Arben Derhemi, Donald Shehu , Florian Agalliu, Adelina Muca, Sokol Angjeli, Genci Fuga, Hervin Culi, Genti Deçka, Ardian Cerga, Xhuliano Brisku, Myzafer Zifla, Ina Konomi Gjonci, Altea Lazaj. Në skenë regjisori ka zgjedhur aktorë të njohur, por për rolin e Shirlit në teatër janë zhvilluar edhe audicione. Skenografia dhe kostumografia vijën nga Berina Kokona dhe muzika është shkruar nga kompozitori Fatos Lumani.

 64759570_10156058224767121_6360743709499195392_o.jpg

4 premierat: 

“Xhelatët” e autorit Martin McDonagh me regji nga Qëndrim Rijani

“Skena nga një ekzekutim” e Howard Baker me regji Rovena Lule

“Koriolanos” i Shekspirit me regji të Altin Bashës

“Borgjezi fisnik” e Molierit”, regjia ?

Modifikuar më Diel, 13 October 2019 09:25

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Zgjedhjet për kreun e SPAK, priten të kandidojnë tre prokurorë

Politikë

Zgjedhjet për kreun e SPAK, priten të kandidojnë tre prokurorë

Pas zgjedhjes së Prokurorit të Përgjithshëm KLP duhet të zgjedhë tashmë edhe kreun e Strukturës së Posaçme Antikorrupsion, i cili do të jetë ai që do të marrë drejtimin e...

Shembet godina numër 15 në Qytetin Studenti

Aktualitet

Shembet godina numër 15 në Qytetin Studenti

Është shembur godina numër 15 në Qytetin Studenti.  Në godinë jetonin më shumë se 30 familje. Ajo ishte vlerësuar e pabanueshme pas tërmetit të 26 nëntorit. 180 banorë u nxorën nga objekti që...

Ish-ministri Panariti në zi, humb njeriun e rëndësishëm

Politikë

Ish-ministri Panariti në zi, humb njeriun e rëndësishëm

Ish-ministri i Bujqësisë, Edmond Panariti ka përjetuar dje një prej ditëve më trishtuese të jetës së tij. Ai ka humbur njeriun më të rëndësishëm, babain e tij. Ka qenë vetë ministri...

Sondazh

Nothing found!

Sondazh

Nothing found!