Teatrin e kemi skanuar 3D/ Arkitektja: Do ta rindërtojmë ashtu siç ishte

Premte, 22 May 2020 16:59

Aktivistja Doriana Musai, arkitekte, prej më shumë se dy vitesh ka luftuar për kauzën e mbrojtjes së godinës së Teatrit Kombëtar. Ajo tregon për Euronews Albania përjetimet gjatë momentit të shembjes të godinës si dhe planin për rindërtimin e saj.

“Pësuam goditje të madhe psikologjike. Unë isha brenda në teatër dhe bëra transmetim Live! Pashë dy skena paralele, policinë që dhunoi fillimisht protestuesit e më pas nisën të dhunonin skenën dhe shqyen e shpartalluan skenën. Është e paimagjinueshme që futën armët brenda dhe forcat speciale, ata e dinin se kush ishim, nuk ishim talebanë, apo terroristë. Dhuna ishte shumë e tepërt dhe për këtë do të kërkojmë drejtësi,” – tha Musai duke këmbëngulur se zaptimi më 24 korrik i Teatrit Kombëtar ishte konform Kushtetutës, e cila, sipas saj, lejon qytetarëve ta mbrojnë atë çka është publike.

Musai kujtoi se që prej korrikut 2019 u mbajtën mbi 70 shfaqje në Teatrin Kombëtar dhe se ata nuk e zaptuan godinën për ta përvetësuar por për ta rivitalizuar.

“Vlera që më ka çuar aty 24 orë çdo ditë kanë qene njerëzit. Një energji bërthamore prej njerëzish që angazhoheshin atje, që kanë sakrifikuar aq shumë dhe që edhe sot që nuk është më teatri ajo energji është ende te ata,” – u shpreh Musai.

Prej dy vitesh Musai ka qenë prezente në të gjitha zhvillimet rreth çështjes së teatrit.

Ajo dhe disa arkitektë të tjerë nuk heqin dorë nga ideja për rindërtimin e Teatrit dhe tregon se ata kanë mundur të skicojnë dhe rilevojnë të gjithë godinën.

“Nisëm në korrik, bashkë me disa arkitektë, ishim 12, disa edhe studentë. E nisëm nga lapsi dhe letra, Viktoria Nikolla, Kreshnik Merxhani dhe të tjerë, të cilët kanë hyrë në çdo cep të teatrit. Përfunduam te teknologjia e fundit, skanimi 3D,” – thotë Musai e cila shprehet se ndërtesa mund të rindërtohet plotësisht qoftë dhe me të njëjtat materiale.

Për sa i përket rrezikut nga zjarri ajo theksoi se çdo godinë publike përballet me një rrezik të tillë dhe kujtoi se edhe Notre Dame, e cila ishte ndërtuar me materiale edhe më të forta u shkrumbua tërësisht.

Modifikuar më Premte, 22 May 2020 17:17
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...