Ka ndërruar jetë ikona e muzikës shqiptare, Ismet Peja.
Lajmin e e trishtë për vdekjen e këngëtarit e bëri të ditur djali i tij, Visar Peja, përmes një postimi në Facebook.
“Nuk dija ndryshe, as nuk munda ndryshe ta lajmëroj largimin tënd nga kjo jetë. Pusho i qetë sepse ke ngelë i përjetshëm.Të fala i bën mamasë”, ka shkruar Visari.
Ismet Peja u lind më 27 Prill të vitit 1937 në Gjakovë. Babai i tij Musa Peja, ishte po ashtu këngëtar i melosit shqiptar.
Që prej moshës 13-vjeçare filloi të merrej me muzikë.
Sukseset më të mëdha i arriti me shoqërinë muzikore “Hajdar Dushi”, me të cilën kishte prezantime të shumta në TVP dhe Radio Prishtinë.
Albumi i tij i parë doli në vitin 1986 me orkestrën e “Hajdar Dushit”. Deri më tani ka publikuar një numër të madh të albumeve muzikore dhe 4 videokaseta.
Ai nxori një album në vitin 2005 me djalin e tij, këngëtarin Visar Peja.
