Dossier/Shqipëria në Eurovizion

Frederik Ndoci erdhi enkas nga SHBA, se iu premtua çmimi i parë në Festivalin e 46 –të Këngës në RTSH (kjo u fol e përfol në shtyp) dhe, automatikisht, do të përfaqësonte Shqipërinë në Eurovizionin e Finlandës në maj 2007. Ndoci, me një karrierë të gjatë artisti9ke si aktor dhe këngëtar, që në fillim të viteve 80-të, fitues i Festivalit  të Këngës edhe në 1989, ishte artisti i radhës, së bashku me ish-bashkëshoreten,  bëri një interpretim të mirë, në Eurovision, por që nuk ngjiti edhe aq te kritika dhe publiku. Ai u prezantua me këngën “Balada e Gurit” e përshtatur në anglisht me titullin “Hear My Plea” me kompozim të Pandi Laços dhe Adi Hilës, e cila u këndua në të dy gjuhët, shqip dhe anglisht. Por, si një vit më parë, askujt nuk i bëri përshtypjas shprehja “Guri i rëndë në vend të vet”, përveçse në Shqipëri, në një kohë kur emigracioni masiv është kthyer në sëmundje. Kënga zuri vendin e 17 nga 28 vende, duke humbur shanset për në Finalen e madhe. Dyshja Hila- Laço ishte hera e dytë që përfaqësonin Shqipërinë në Eurovizion dhe nuk përfundon me kaq... Në këtë festival fitoi këngëtarja serbe, Marija Serifovic, kështuqë Eurovizioni i radhës ishte në Serbi.

Frederik Ndoci: “Ky festival ishte një zhgënjim i madh, jo vetëm për mua por edhe për shumë pjesëmarrës të tjerë. Ndryshe e kisha menduar dhe ndryshe më doli. Për mendimin tim, dhe të shumë kolegëve të mi, në këtë festival nuk vlerësohet këngëtari më i mirë, prandaj disa shtete evropiane e kanë braktisur atë, madje shumë këngëtarë të njohur nga Evropa nuk dëshirojnë të marrin pjesë.”

F.SLATINA