Për ju që jeni lodhur nga kinemaja, për ju që kërkoni të provoni diçka ndryshe, për ju që veçanërisht ju pëlqen të qeshni, komedia  "Presidentet" është ajo çka ju nevojitet.

Një komedi e jashtëzakonshme nga Werner Schawab që shkon tek me banalja dhe më e imta. Ai e përmbledh renkimin, vuajtjen dhe shpresat e kota të të poshtëruarve në një muzikë gjuhësore të padëgjuar, në një himn për tri zëra të tri qenieve të lënduara. 
Por ajo që krijohet rishtazi mund edhe të ndryshohet.

 Me regji nga Sabine Mitterecker dhe aktorët Adriana Tolka, Ermira Gjata dhe Eni Jani ju sjellin një shfaqje që duhet  patjetër ta ndiqni.

Shfaqja do të jetë  në skenë të premten, të shtunën dhe të dielën ora 20:00 salla Moliere në Teatrin Kombëtar Eksperimental "Kujtim Spahivogli".

Mbi veprën:
Ajo është historia e tri grave, jeta e të cilave nuk shkon përtej ekranit të televizorit, fanatizmit fetar, punës poshtëruese dhe rikujtimit të ngjarjeve të së kaluarës. Gratë i përkasin një klase shoqërore, të cilën normalisht nuk do të donim ta hasnim. Jeta e tyre e brendshme është e cekët, kujtimet pa shije, gjuha e mangët dhe vulgare. Kapacitetet e tyre mendore nuk shtrihen përtej rutinës dhe mizorisë së borgjezisë së vogël.