Flamuri i Kosovës dhe ai i Shqipërisë valëviten në Cannes

E mërkurë, 09 May 2018 09:14

Flamuri i shtetit të Kosovës dhe ai i Shqipërisë, janë valëvitur mbi pavijonin e përbashkët të të dyja shteteve, në rivierën franceze, nga e cila kthen sytë gjithë bota e filmit kur hapet edhe zyrtarisht Festivali i Filmit në Cannes. “Marche Du Film”, konsiderohet si tregu më i madh i filmit në botë që mbahet krahas Festivalit, i cili të martën hapi edicionin e 71-të.

Pavijoni i Kosovës, i përbashkët me atë të Shqipërisë, në prezantimin e shtatë me radhë të kinematografisë kosovare, ka zënë vend në një hapësirë ndërmjet shteteve me industri të zhvilluar filmi.

Takimet me udhëheqës institucionesh të njohura të filmit, nënshkrimi i një marrëveshjeje bashkëpunimi me një shtet fqinj, shpalosja e katalogut me filmat që janë në proces të realizimit e atyre të finalizuar, gjetja e mundësive të bashkëpunimit e prezantimi para selektorëve të festivaleve, mbeten objektivat kryesore për Qendrën Kinematografike të Kosovës në Cannes.

Drejtori i këtij institucioni, Arben Zharku, të martën, e ka dhënë lajmin e parë të mirë nga pavijoni i Kosovës në Cannes. Një ftesë zyrtare për t’u prezantuar në tregun e filmit të festivalit “Mar del Plata International Film Festival”, që mbahet në Argjentinë, është e para që ka marrë ky institucion, qysh në ditën e parë të festivalit.

Katalogu i Qendrës Kinematografike që shpaloset në pavijonin e mbushur me posterë filmash – mes së cilëve bie në sy “Fusha e mëllenjave” i Arzana Krajës - është ndër mundësitë më të mira për t’i informuar ata që ndalen aty. Mes filmave të prezantuar në katalog janë “Qiej të trazuar”, “Aga”, “Cold November”, “Gjumë dhe dashuri”, “Një tregim Prishtine”, “Klithma”, “Ajo”, “Drita”, “Gardhi” e të tjerë.

Sipas Zharkut, një tjetër takim i caktuar është ai me përfaqësues të “Euroimage”.

Veç prezantimit në pavijon, kinematografia kosovare do të përfaqësohet në Cannes edhe nëpërmjet filmit “Rreze” me regji të Lorena Sopit, që do të shfaqet premierë në kuadër të “Short Film Corner”. Filmi bazohet në ditarin e Rreze Abdullahut dhe në 12 minuta shpalos një ditë nga lufta e fundit në Kosovë...

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Vonesa dhe bllokime, pse ka ngecur Reforma në Drejtësi. KED s’mund të zhvillojë mbledhje për vlerësimin e kandidatëve

Politikë

Vonesa dhe bllokime, pse ka ngecur Reforma në Drejtësi. KED s’mund të zhvillojë mbledhje për vlerësimin e kandidatëve

Prej më shumë se 2 vitesh, Gjykata Kushtetuese në Shqipëri nuk është më funksionale si rezultat i largimit të anëtareve të saj, që nuk e kaluan dot “sitën” e vetingut.Betohen-anetaret-e-Kushtetueses Pas...

Konfirmohet rasti i parë pozitiv në Sarandë, infektohet një turiste ukrainase

Aktualitet

Konfirmohet rasti i parë pozitiv në Sarandë, infektohet një turiste ukrainase

  Rezulton pozitiv rasti i parë me Covid 19 në Sarandë. Gazetarja Shpresa Dine raporton për “BalkanWeb” se bëhet fjalë për një shtetase ukrahinase, e cila ka ardhur për pushime në...

220 të sëmurë aktivë, ja si është gjendja e pacientëve në spital

Aktualitet

220 të sëmurë aktivë, ja si është gjendja e pacientëve në spital

Prej dy ditësh numri i rasteve aktive me koronavirus në vendin tonë është rritur. Deri më tani numri i personave aktivë me koronavirus në vendin tonë është 220 raste, kryesisht...

Sondazh

Nothing found!

Sondazh

Nothing found!