Thaçi: Në fund të procesit të bisedimeve Serbia duhet të njohë Kosovën

E Enjte, 28 June 2018 19:20

Presidenti i Kosovës, Hashim Thaçi ka folur për fillimin e fazës së fundit të dialogut për normalizimin e raporteve ndërmjet Kosovës dhe Serbisë.

Në një konferencë për mediat Thaçi ka folur për takimin e fundit me presidentin e Serbisë, Aleksandër Vuçiç dhe përfaqësuesen e BE-së, Federica Mogherini, Thaçi u shpreh se ky takim ka qenë bashkëpunues në kërkimin e modaliteteve dhe opsioneve se çfarë mund të arrihet në këtë proces por edhe për të parë se çfarë është e pamundur në këtë proces.

“Ky ishte vetëm një takim, në javët dhe muajt e ardhshëm në takimet e tjera do të diskutohet substanca e marrëveshjes përfundimtare. Në këtë takim është folur vetëm për kornizën e marrëveshjes, asgjë tjetër”, ka thënë Thaçi, duke shtuar se presin që së shpejti të mbahet takimi i radhës.

Presidenti i Kosovës shtoi se marrëveshja përfundimtare do të jetë ligjërisht, ndërkombëtarisht obliguese për të gjitha palët.

Ai ka kërkuar që mes partive politike në Kosovë, të arrihet sa më shpejtë një konsensus sa më i gjerë për dialogun.

“Ftoj edhe ekspertët, akademikët, shoqërinë civile edhe mediat që të bëhen pjesë e këtij diskutimi”, tha Thaçi.

Ai shtoi se është i gatshëm që t’i adresohet Kuvendit të Kosovës për të informuar deputetët dhe qytetarët për këtë fazë përfundimtare të dialogut.

“Në fund të fundit marrëveshja do të dërgohet në Kuvendin e Kosovës për të marrë vulën nga të zgjedhurit e popullit”, tha Thaçi.

Thaçi shtoi se bisedimet në këtë fazë finale ashtu siç kanë filluar pret të jenë të rënda dhe të vështira.

“Është një konflikt për më tepër se një shekullor që pritet të përmbyllet me marrëveshje paqësore, të normalizimit, pajtimit dhe njohjes reciproke. Arritja e marrëveshjes gjithëpërfshirëse me Serbinë është e domosdoshme për synimin tonë që të bëhemi shtet anëtar i OKB-së, integrimin e Kosovës në NATO dhe BE-në”, theksoi Thaçi.

Ai shtoi se në fund të procesit duhet të ndodh njohja reciproke, përndryshe këto negociata do të ishin të pakuptimta.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Koronavirusi/ Ambasada shqiptare ne Romë: Çfarë po ndodh me njerëzit tanë në Itali

Aktualitet

Koronavirusi/ Ambasada shqiptare ne Romë: Çfarë po ndodh me njerëzit tanë në Itali

Përhapja e Koronavirusit në disa rajone të Italisë ka sjellë dhe reagimin e ambasadës shqiptare në Romë, e cila përmes një deklarate, ka bërë të ditur se deri më tani, asnjë...

Bernie Sanders fiton Nevadën

Globi

Bernie Sanders fiton Nevadën

 Bernie Sanders fitoi të shtunën zgjedhjet brenda partisë në garën për zyrtarizimin e kandidatit demokrat që do të garojë kundër presidentit Trump në zgjedhjet e nëntorit. Me fitoren në Nevada zoti...

EMRAT/Aksioni për “Lojërat e fatit”, gjykata jep masat e sigurisë për të arrestuarit

Aktualitet

EMRAT/Aksioni për “Lojërat e fatit”, gjykata jep masat e sigurisë për të arrestuarit

Policia e Shtetit arrestoi ditë më parë disa persona, të cilët akuzohen se kanë organizuar lojëra fati në mënyrë të paligjshme. Gjykata e Tiranës ka dhënë sot masat e sigurisë për...

Sondazh

Nothing found!

Sondazh

Nothing found!