Borell: Marrëveshja Kosovë-Serbi është vendimtare edhe për BE’në

Diel, 12 July 2020 13:12

Shefi për Politikë të Jashtme të BE-së, Josep Borrell, ka thënë dialogu Kosovë-Serbi ka synim normalizimin e raporteve ndërmjet dy vendeve. Ka thënë se po lehtësojnë një zgjidhje përfundimtare dhe ligjore.

Ai ka thënë se marrëveshja mes Kosovës dhe Serbisë është vendimtare për BE’në.

“Kjo marrëveshje është vendimtare për popullin e Kosovës dhe Serbisë, për perspektivën evropiane, sigurinë dhe stabilitetin e rajonit. Kjo marrëveshje është vendimtare për BE-në”, ka deklaruar ai.

Sot, Kryeministri Avdullah Hoti do të mbajë një takim virutal me Presidentin e Serbisë, Aleksander Vucic, i cili ndërmjetësohet nga BE’ja.

Borell tregon edhe synimet e këtyre takimeve që pritet të vazhdojnë tutje.

“Synimi është i qartë është që të kthehemi në punën serioze dhe intensive për normalizimin e marrëdhënieve në mes të dyja shteteve. Bashkimi Evropian ka qenë dhe do të vazhdojë të jetë që ta mbështesë dhe të lehtësojë gjetjen e një zgjidhje përfundimtare dhe ligjore”, ka thënë Borrell në një videokonferencë.

Borell ka thënë se procesi nuk është i lehtë por po mundohen të ndihmojnë dialogun për të arritur një marrëveshje përfundimtare mbi pragmatizëm dhe kompromis.

“E dimë që nuk është proces i lehtë, por është urgjencë që të punojmë për stabilitet për hir të së ardhmes. Kërkojmë kurajën politike të të dy palëve, angazhim në frymën e pragmatizmit dhe kompromisit. Kurrë s’ka qenë e lehtë të gjendet zgjidhje, por kjo është pse jemi këtu, që të provojmë përsëri”.

Shërbimi Evropian për Punë të Jashtme (EEAS) ka parashikuar që sot të zhvillojë një video-konferencë mes kryeministrit të Kosovës Avdullah Hoti dhe presidentit të Serbisë Aleksandar Vuçiq.

“Dialogu Beograd-Prishtinë i lehtësuar nga Bashkimi Evropian do të rifillojë në Bruksel në formën e video-konferencës. Do të jetë ky takimi i parë i nivelit të lartë, pas ndërprerjes së dialogut në vitin 2018. Ndërsa takimi i drejtpërdrejt i nivelit të lartë në Bruksel do mbahet të enjten më 16 korrik”, thuhet në njoftimin e EEAS.

Në këtë takim të ndërmjetësuar nga Miroslav Lajçak do të marrë pjesë edhe përfaqësuesi i Lartë i BE’së për Politikë të Jashtme dhe siguri, Josep Borrel.

Të premten u mbajt konsultimi i Hotit dhe Vuçiqit, i organizuar nga presidenti Macron dhe kancelarja Merkel, i cili përfundoi pa ndonjë sukses.

Diskutimi i sotëm do të drejtohet nga Brukseli prej vet Borrellit, i cili do të jetë i shoqëruar nga Lajçaku. Ndërsa marrin pjesë edhe presidenti i Serbisë Vuçiq nga Beogradi dhe kryeministri i Kosovës Hoti nga Prishtina.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Korçë, varfëri ulëritëse/ DENONCIMI i koordinatorit të LSI: Babëzia e rilindjes nuk njeh kufij

Politikë

Korçë, varfëri ulëritëse/ DENONCIMI i koordinatorit të LSI: Babëzia e rilindjes nuk njeh kufij

  Nga Petrika MELE, koordinator i LSI-Korçë Varfëri ulëritëse dhe infrastrukturë mesjetare vetëm 1 km larg Korçës! Ujrat e zeza dhe mbetjet urbane janë makthi i përditshëm i banorëve. Mungesa e ujit të pijshëm...

Korce/Braimllari:Banorët pa ujë e pa rrugë nga qeverisja klienteliste e Ramës

Politikë

Korce/Braimllari:Banorët pa ujë e pa rrugë nga qeverisja klienteliste e Ramës

  Sekretari i Përgjithshëm i LSI-së, Endrit Braimllari prej disa ditësh është zhvendosur në Korçë, sipas së cilit është braktisur nga qeveria, nga ku denoncon problemet e shumta që hasin banorët. Këtë...

Caka: Efekti domino i korrupsionit të Rilindjes, mijëra qytetarë pa punë

Politikë

Caka: Efekti domino i korrupsionit të Rilindjes, mijëra qytetarë pa punë

  Ish-deputetja e LSI-së, Silva Caka, ka komentuar një raport nga Zëri i Amerikës, i cili analizon tre krizat me të cilat po përballet vendi. Sipas saj, korrupsioni i qeveria ”Rama”...