Një bandë trafikantësh është shkatërruar nga policia e Romës, duke çuar në arrestimin e 10 personave mes tyre edhe një shqiptar. Gjatë operacionit janë sekuestruar sasi të madha lëndë narkotike. Hetimet kanë zbardhur dhe lidhjet e këtij grupi trafikantësh me klanin "Polverino-Orlando"të mafias napoletane ‘Camorra’. Ndërsa në Ishullin e Siçilisë u sekuestruan 56 kg marijuanë në bordin e një automjeti që po udhëtonte me traget nga brigjet italiane drejt ishullit të Sicilisë
Policia e Romës në bashkëpunim me atë të Torinos dhe Frozinones ka shkatërruar në mëngjesin e kësaj të enjteje një grup kriminal trafikantësh droge që transportonin lëndë narkotike nga Maroku e Spanja drejt Italisë.
Në pranga janë vënë 10 persona, 7 prej të cilëve marokenë, 1 algjerian, 1 italian dhe një shtetas shqiptar. Gjatë operacionit u sekuestruan 16 kg hashash, 4 kg marijuanë, 7 kg kokainë.
Droga magazinohej në borde automjetesh të parkuara në vende strategjike në territorin e Romës. Operacioni i koduar "NADIR 2" ishte shtrirë në lagjet e qëndrës historike romane Pigneto, San Lorenzo, Trastevere, Campo de' Fiori, Lungotevere, por edhe në lagjet pereiferike.
Hetimet kanë zbardhur dhe lidhjet e këtij grupi trafikantësh ne klanin "Polverino-Orlando"e mafias napoletane Camorra. Në kuadër të këtij operacioni janë arrestuar në Spanjë dhe 2 anëtarë të këtij grupi trafikantësh. Në vilën e njërit prej tyre në Andaluzi janë sekuestruar 200 kg hashash e 3 kg kokainë. Nën hetim janë vënë dhe 28 persona të tjerë.
Ndërsa në Ishullin e Siçilisë u sekuestruan 56 kg marijuanë në bordin e një automjeti që po udhëtonte me traget nga brigjet italiane drejt ishullit të Sicilisë. Droga ishte e konfeksionuar në 6 pako të mëdha të mbyllura hermetikisht. Në pranga është vënë korrieri i drogës, që ishte dhe drejtuesi i automjetit. Policia italiane ka nisur një proces hetimor por nuk ka bërë ende publik emrin e të arrestuarit.
