Vodhi 100 milionë lekë, por fierakun e “marrin në qafë” kamerat e sigurisë

Saturday, 14 Prill 2018 11:19

Kanë qenë pamjet e një kamera sigurie që kanë çuar në identifikimin e një prej dy të rinjve të arrestuar si autor të dyshuar të vjedhjes së një mjeti tip Benz me 100 milionë lekë në Fier, ngjarje e ndodhur një vit më parë.

Renaldo Latifi 22 vjeç nga Levani i Fierit, është kapur nga kamera e sigurisë së një objekti, teksa ecte pranë vendit të ngjarjes, me një çelës të ngjashëm me atë të Benz-it të vjedhur. Nga kqyrja e tabulateve telefonike, ka rezultuar se i ndaluari tjetër, Xhuljano Muça më 29 maj të vitit të kaluar, kur ka ndodhur vjedhja ka qenë në Levan dhe në Panaja të Vlorës, dhe jo në Vlorë siç kishte deklaruar. Mësohet se Latifi ishte kamarier në lokalin e Xhuliano Muçës.

Nga hetimet me metoda speciale dhe përgjimet ambientale e telefonike është arritur të sigurohen prova se dy të ndaluarit kanë kryer vjedhjen e Benzit dhe 10 milionë lekëve të reja të Xhemal Kalemajt.
Të dy të rinjtë kanë dhënë versione të ndryshme rreth veprimeve të tyre ditën e ngjarjes. Ndërsa Xhuliano Muça ka pretenduar se ka qenë së bashku me Renaldo Latifin të cilin e ka transportuar me mjetin e tij, Renaldo Latifi ka deklaruar se ka qenë në vendin e ngjarjes dhe është largua me autobus në drejtim të qytetit të Vlorës.
Ata akuzohen për veprën penale “vjedhje me pasoja të rënda në bashkëpunim”. Prokurori i çështjes, Dorjan Tafili, ka kërkuar që dy të arrestuarit, të mbeten në masën e arrestit burg pa afat të caktuar pak ditë më parë nga gjykata e Fierit. Pas shqyrtimit të provave të siguruara gjatë hetimit një vjeçar që implikojnë dy të rinjtë në vjedhjen 100 milionëshe, gjyqtarja e çështjes Matilda Shalla ka vendosur të lërë në fuqi masën e sigurisë të caktuar më date 11.04.2018 “Arrest me burg” pa afat per vepren penale “ Vjedhje e kryer ne bashkepunim”.

Ngjarja e ndodhur
Më 29 maj të vitit të kaluar Xhemal Kalemaj ka dalë nga shtëpia me mjetin e tij tip Mercedes Benz me targa AA895 OY, bashkë me bashkëshorten e vetë rreth orës 06.20 të mëngjesit për të shkuar në punë si zakonisht, tek një dyqan mallrash bujqësore të cilin e ka në fshatin Levan të Fierit. Në bagazhin e makinës kanë futur shumën e rreth 100 milionë lekëve të vjetra brenda në një qese plastike, me të cilat janë shprehur se do të likujdonin borxhet që kishin, një kredi e do të kryenin të tjera shpenzime. Teksa të dy kanë qenë duke shkarkuar mallin nga një kamion, kanë shkuar të marrin makinën por nuk e kanë gjetur më. Më pas, ka lajmëruar policinë dhe së bashku me një shokun e tij ka shkuar në shtëpi, për të mar çelësat e makinës tjetër që e kishte të parkuar në magazinën prapa dyqanit në Levan. Kur ka shkuar në shtëpi ka parë se ishte prerë e shqyer zgara e dritares dhe ka konstatuar se mes të tjerave i kishin vjedhur edhe kopjen e çelësave të Benzit që ishte zhdukur.

Login to post comments

Lajmet e fundit

Peka: Ramës iu kërkua të 'azilohet' në Presidencë dhe të zëvendësohet nga Veliaj

Politikë

Peka: Ramës iu kërkua të 'azilohet' në Presidencë dhe të zëvendësohet nga Veliaj

  Gazetari Çim Peka deklaroi në emisionin 'Task Force' me Sonila Meçon në Syri Tv se kryeministrit Rama i është kërkuar të shkojë në Presidencë dhe të azilohet përfundimisht, dhe vëndin...

Pagesat e drejtpërdrejta te klientët, çelësi i suksesit për SIGAL UNIQA-n

Aktualitet

Pagesat e drejtpërdrejta te klientët, çelësi i suksesit për SIGAL UNIQA-n

  Shpeshherë dëgjojmë për qytetarë që ankohen për kompanitë e sigurimeve. Dikush pretendon për mospagim e dikush tjetër për pagim jo konform dëmit të pësuar. SIGAL UNIQA ka qënë iniciatore e...

Aurel Bylykbashi: Duhen bashkuar muskujt kundër kësaj diktature

Politikë

Aurel Bylykbashi: Duhen bashkuar muskujt kundër kësaj diktature

  Ish-drejtuesi i PD në Elbasan, Aurel Bylykbashi, ka qënë ditën e djeshme në protestën e zhvilluar në të gjitha komisariatet e vendit kundër vrasjes së të riut brenda në komisariatin...