Gjigandi i hapësirës ajrore Boeing u zgjodh për të ndërtuar avionin e ardhshëm të trajnimit të Forcave Ajrore të SHBA-së në një kontratë me vlerë 9.2 miliardë dollarë. Boeing u bashkua me Saab AB të Suedisë për të zhvilluar një avion të ri, duke mposhtur Lockheed Martin Corp dhe Leonardo DRS. Nga ana tjetër kompanitë në fjalë thanë se humbën sepse Boeing kishte ofertë më të ulët.

Forcat Ajrore aktualisht planifikojnë të blejnë 351 avionë dhe 46 simulatorë. Opsionet shtesë për blerjen e kontratës prej 9.2 miliardë dollarësh, të raportuara fillimisht nga Reuters, mund t’i lejonin Forcës Ajrore të blinte deri në 475 avionë dhe 120 simulatorë. Ata duan të zëvendësojnë flotën e vjetër të avionëve T-38, të cilët janë gati 50 vjeç. Analistët kanë thënë se mund të blejnë deri në 600 aeroplanë. Shërbimi pret që avionët e parë të dorëzohen në vitin 2023 me programin për të arritur funksionimin e plotë në vitin 2034.

Fitimi i kontratës është i rëndësishëm për Boeing, i cili riorganizoi biznesin e tij të mbrojtjes më shumë se një vit më parë në shpresën e një fitoreje “të nivelit të franshizës”. Ndërkohë që kontratat e mëdha të mbrojtjes kishin qenë të vështira për Boeing, por Leanne Caret, shefi ekzekutiv i mbrojtjes,hapësirës dhe sigurisë së Boeing që nga shkurti i vitit 2016, ka ndihmuar kompaninë të fitojë më shumë kontrata.

“Njoftimi i sotëm është kulmi i viteve të fokusit të palëkundur nga ekipi Boeing dhe Saab.Ne presim që T-X të jetë një program ekskluziv përgjatë pjesës më të madhe të këtij shekulli.”- tha Caret në një deklaratë.