Cigaret elektronike janë të dëmshme dhe këtë e dëshmon ngjarja e ndodhur se fundmi në Shtetet e Bashkuara. Katër adoleshentë janë shtruar në një spital të Minesotës për shkak të problemeve të rënda në mushkëri.

Mjekët shprehen të bindur se shqetësimet lidhen me përdorimin e cigareve elektronike. “Simptomat duken si infeksione të zakonshme, por gjendja e pacientëve po përkeqësohet gjithnjë e më shumë”, shprehen mjeket.

Ato paralajmërojnë se problemet shëndetësore të shkaktuara nga cigaret elektronike po shndërrohen në një epidemi me dëme serioze.

Tymi që del nga një bateri e nxehur lëshon kimikate të rrezikshme që shkojnë në mushkëri. Ndër simptomat e zakonshme që vijnë si pasojë e cigareve elektronike janë: probleme në frymëmarrje, temperaturë, kollë dhe dhimbje në kraharor.