Ekonomia në krizë/ Eksportet bien, importet në stanjacion gjatë vitit 2019

Premte, 17 Janar 2020 12:11

Volumi i tregtisë së jashtme të Shqipërisë qëndroi në stanjacion gjatë vitit 2019, për herë të parë në shumë vite duke reflektuar gjendjen e vështirë ekonomike të vendit. Të dhënat e Institutit të Statistikave mbi tregtinë e jashtme, të publikuara të Premten më 17 Janar, tregojnë se volumi i përgjithshëm i tregtisë ishte 948 miliardë lekë më 2019 (afro 7.9 miliardë euro), me një rënie të lehtë prej 4 miliardë lekësh ose 0.4% në krahasim me vitin 2018.

Eksportet e Shqipërisë ishin 299 miliardë lekë me një rënie prej afro 4% ndërsa importet ishin 649 miliardë, me një rritje prej 1.2%.

Zëri më i rëndësishëm i eksporteve, Tekstilet dhe Këpucët, shënuan një rënie me 4.5% në masën 118 miliardë lekë ndërsa zëri Minerale, Karburante dhe Elektricitet, i cili është i dyti më i rëndësishmi në eksporte, shënoi rënie në masën 11%. Tekstilet dhe këpucët zënë 4 në çdo 10 lekë eksporte shqiptare ndërsa zëri tjetër, i cili përbëhet kryesisht na nafta bruto e Patos-Marinzës dhe nga kromi i Bulqizës, përbën 17 në çdo 100 lekë eksporte. 

Te importet, zëri Makineri, Pajisje dhe Pjesë Këmbimi, shënoi rënie në masën 2.5% ndërsa Ushqime, Pije dhe Duhan, i cili është i dyti më i rëndësishëm, shënoi një rritje në masën 3.6%. 

Krahasimi i volumit të tregtisë së jashtme të vitit 2019 me vitin 2018 nuk është tërësisht i saktë për shkak se shifrat raportohen në lekë dhe reflektojnë efektet e kursit të këmbimit. Leku shqiptar njohu një forcim të shpejtë në periudhën janar-maj të vitit 2018 ndërsa u stabilizua pak a shumë rreth kuotave aktuale pas qershorit të atij viti.

Tregtia e jashtme e Shqipërisë ka njohur rritje të konsiderueshme përgjatë dekadave të fundit, me përjashtime të vogla në vitet 2012 dhe 2015. 

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...