Në qytetin e Vlorës është mbajtur një koncert  i veçantë ku u shfaq muzika e mrekullueshme e Bach dhe “Gloria” e Vivantit. Orkestra dhe Kori i Teatrit të Operas dhe Baletit sollën një koncert me violinë në skenën e teatrit “ Petro Marko” të këtij qyteti.

Trupa e Teatrit të Operës dhe Baletit me Gezim Bulcarin në violinë, Xhovana Markun në oboe dhe orkestrën e Harqeve, nën drejtimin e dirigjentit Dritan Lumshi, mori duartrokitje të zjarrta nga publiku vlonjat.

Kompozitori vlonjat Aulon Naci, njëherësh këshilltar për kulturën në Bashkinë e Vlorës,  ka falenderuar organizatorët për mbajtjen e këtij koncerti të jashtëzakonshëm.

Aulon Naci: "Sot për sot asnjë qytet në Shqipëri nuk ka realizuar një koncert të tillë aq më tepër përsa i përket muzikës klasike dhe mbi të gjitha me repertorë e faqe muzikore të emrave të kompozitorëve ndërkombëtarë që vjen premierë në Vlorë."

Ky koncert i paraprin aktivitete të shumta kulturore që do të mbahen në qytetin bregdetar të Vlorës gjatë sezonit turistik.