Pionieri Met Hasa i vetëm në bulevard me foto, historia e vrasjes së tij

Hënë, 04 November 2019 16:23
Fotoja e Met Hasës në bulevard dhe faksimile nga historiku i brigadës shkruar në vitin 1945 e libri "Yje të pashuar" i vitit 1974  Fotoja e Met Hasës në bulevard dhe faksimile nga historiku i brigadës shkruar në vitin 1945 e libri "Yje të pashuar" i vitit 1974

Nga Kastriot Dervishi

Në bulevardin e Tiranës, fotoja e “Heroit të Popullit” Met Hasa është vendosur në qendër. Është lënë i vetëm, por krahasuar me tabelat “Masakra e Borovës, 6 korrik 1943”, “Masakra e Vranishtit 28 dhjetor 1943” dhe “84 dëshmorët e 4 shkurtit 1944”. Dy rastet e para nuk kishin dëshmorë, por vetëm këta të 4 shkurtit 1944, ndonëse nuk janë 84 dhe as të gjithë dëshmorë. Pavarësisht se është e qartë se nuk janë 84 të vrarë të vrarë në 4 shkurt 1944, qatipëve u intereson që gënjeshtra enveriste të mos lëvizë. Gjithsesi le të shohim si trajtohet Met Hasa në librin origjinal prej nga janë marrë fotot e vendosura në bulevard.

Në volumin e tretë të librit “Yje të pashuar”, Tiranë 1974, botim i Drejtorisë Politike të Ushtrisë Popullore, në faqen 367-373 është pjesa për Met Hasën, lindur në vitin 1929 e vdekur në vitin 1944. Fotografia duket që është pikturë, e skicuar me kapele e yll të kuq. Mësohet se Meti kryente rolin e korrierit, por thuhet se Meti me nagant vrau dy nazistë, se një plumb e kish kapur, por ai nuk kishte pyetur dhe kishte vazhduar drejt.

Mirëpo ndryshe e ka këtë ngjarje historiku i Brigadës së 22-të, shkruar në vitin 1945. Këtu nuk flitet për partizanin, por për “pionierin Met Hasa”, të moshës 11-vjeçare, i cili ishte gjetur i vdekur në llogoret e armikut”. Sipas historikut, pjesë e fondit arkivor të Arkivit të PPSH-së, më 4.11.1944 dy kompani të batalionit 4, sulmuan forcat e armikut në Qafën e Pjeshkës. Thuhet se armiku la 15 të vrarë dhe 7 të plagosur. Nga ana e partizanëve mbeti i vrarë komandanti i kompanisë së parë Hamdi Grori nga Peza, skuadërkomandanti Halil Tusha, “pionieri i vogël 11 vjeçar Mete Hasa, i cili u gjet përsipër llogoreve armike”, Foto Manebeu nga Durrësi, partizani Riza Zeka dhe dy të plagosur lehtë, u plagos rëndë skuadërkomandanti Hasan Shaqiri.

Roli i Met Hasës nuk shihet kurrkund, por vetëm konstatohet gjetja në llogoret e armikut. Shokët që kanë shkruar historikun, nuk i dinë këto luftimet e Metit që vrau dy nazistë, ndërsa shokët e vitit 1974 i dinë këto gjëra.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ngrihen zyrtarisht akuza për korrupsion kundër kryeministrit Netanyahu

Globi

Ngrihen zyrtarisht akuza për korrupsion kundër kryeministrit Netanyahu

Prokurori i Përgjithshëm i Izraelit akuzoi zyrtarisht të enjten Kryeministrin Benjamin Netanyahu për një seri çështjesh korrupsioni, duke e çuar sistemin politik tashmë të paralizuar të vendit në një çrregullim...

Vuçiç takon ambasadorin rus në Serbi lidhur me skandalin e dyshuar të spiunazhit

Bota Shqiptare

Vuçiç takon ambasadorin rus në Serbi lidhur me skandalin e dyshuar të spiunazhit

Presidenti serb Aleksandar Vuçiç u takua të enjten me Ambasadorin e Rusisë në Serbi, Alexander Botsan-Kharchenko. Serbia po heton njoftimet për një lidhje të dyshuar spiunazhi që përfshin Rusinë, të nxitura...

Ditën në gjumë, natën në punë/ Ja si u arrestuan tre grabitësit shqiptarë të vilave

Aktualitet

Ditën në gjumë, natën në punë/ Ja si u arrestuan tre grabitësit shqiptarë të vilave

Tre shtetas shqiptar të moshave,  24, 30 dhe 33 vjeç, të cilët ushtronin aktivitetin në grabitjen e banesave kanë rënë në prangat e policisë italiane. Të tre këta shtetas kishin mundur ...

Sondazh

Nothing found!

Sondazh

Nothing found!