1969/Enver Hoxha: Mihal Duri ishte pak anarkist

Saturday, 16 November 2019 17:16
Faksimle e mbledhjes së datës 17.11.1969 si dhe portreti i Mihal Durit te libri i dëshmorëve Faksimle e mbledhjes së datës 17.11.1969 si dhe portreti i Mihal Durit te libri i dëshmorëve

Nga Kastriot Dervishi

Rezerva ndaj Mihal Durit ka pasur edhe vetë Enver Hoxha. në raportin justifikues që i dërgohej Byrosë Për Mihal Durin thuhej se ishte shquar për “guxim, trimëri dhe heroizëm”, si komunist i vendosur dhe sekretar i organizatës së partisë ishte vranë në kodrat e Vaqarrit (diku tjetër thuhet në një fshat) duke çarë rrethimin. Në mbledhjen e datës 17.11.1969, Enver Hoxha thotë si vijon: “Për Mihal Durin jemi dakord? Ky ka qenë pak anarkist, ishte shok u ngushtë i Misto Mames, por ca ndryshe nga ai”. Por nga nevoja për të bërë “heronj” që do ishin për propagandë monumentale, u miratua dhënia e titullit pas vdekjes.

Mihal Duri në dokumentet e kohës dhe libra

Erdhi në Tiranë dhe punoi në shtypshkronja. Bëri pjesë në njësitin gueril të Tiranës. më 27.9.1939 i drejtohej Partisë Fashiste me ankesë kundër pronarit të shtypshkronjës “Luarasi”. Shkruante dëshironte paratë pasi do ikte për të mësuar në Itali. Në botimin “Heronj të luftës antifashiste nacionalçlirimtare”, Tiranë 1986, botim i Drejtorisë së Përgjithshme të Arkivave të Shtetit, në faqet 287-293, flitet për Mihal Durin, por jo letra që i drejton Partisë Fashiste. Në botimin e brendshëm të Arkivit për dëshmorët dokumentet janë të plota. Në librin “Yje të pashuar”, volumi 1, faqe 68, nuk jepet asnjë fakt rreth vdekjes së anarkistit Mihal Duri. Sipas dokumenteve, Mihal Duri është vrarë mbrëmjen e 20-21 gushtit 1942 në fshatin Damian teksa po priste linjën telefonike Tiranë-Elbasan. Në aksion ishte së bashku me Ramazan Muzakën dhe Nuri Hutën. Sipas raportit të zëvendësdrejtori të përgjithshëm të Policisë, Shyqyri Borshit, për Zyrën Politike të MPB-së më 6.9.1942, identifikimi i kufomës është bërë më vonë. Sipas raportit të datës 26.8.1942 të prefektit të Tiranës, Qazim Mulleti, u identifikua se i vrari ishte i komunisti i arratisur Mihal Duri, lindur në Erind të Gjirokastrës në vitin 1916, i akuzuar më parë për vendosje eksplozivi në godinën e shtypshkronjës “Tomori” dhe atentatet ndaj toger Man Kukaleshit, policit simon Orishit, etj.Evidentohej edhe fakti i prerjes së telave të telegrafit në rrugën e Elbasanit. Identifikimi i kufomës ishte bërë prej nënës dhe motrës.

Modifikuar më Saturday, 16 November 2019 17:19
Login to post comments

Lajmet e fundit

Digjet një tjetër makinë në tunelin e rrugës Tiranë-Elbasan

Kronikë

Digjet një tjetër makinë në tunelin e rrugës Tiranë-Elbasan

Një automjet tip “Benz-Mercedes” është djegur mesditën e sotme në hyrje të tunelit të Krrabës.   Fatmirësisht, drejtuesi dhe udhëtarët s’kanë pësuar dëmtime. Në vendngjarje kanë shkuar forca zjarrfikëse dhe ambulanca. Si pasojë është...

Oscars 2024/ Emma Stone shpallet aktorja më e mirë

Globi

Oscars 2024/ Emma Stone shpallet aktorja më e mirë

Emma Stone pranoi Oscar-in e saj të dytë të dielën në 96-vjetorin e Çmimeve të Akademisë. Performanca e Stone si Bella Baxter në filmin e vlerësuar nga kritikët “Poor Things” i ka...

U plagos pak më parë në qendër të Fierit, ndërron jetë në spital 19-vjeçari

Kronikë

U plagos pak më parë në qendër të Fierit, ndërron jetë në spital 19-vjeçari

Një konflikt ka ndodhur pak minuta më parë në qendër te qytetit te Fierit.  Disa persona janë grindur mes tyre dhe pasi debati ka agravuar në përleshje fizike një prej tyre...