Gjenerali italian që “bëri” Tiranën kryeqytet

Hënë, 10 February 2020 16:55
Gjeneral Piacentini Gjeneral Piacentini

Gjeneral Piacentini ishte komandanti i trupave italiane në Shqipëri në momentin e ndryshimit të kryeqytetit. Në mënyrë aksidentale, duke mos lejuar qeverinë dhe regjencën të hynin në Durrësit, me urdhrin e tij, ai përcaktoi kryeqytetin e ardhshëm të Shqipërisë.

Autoritetet italiane të pushtimit, me anë të të dërguarit të Piacentinit, deklaruan më 31 janar 1920 se nuk i njihnin vendimet e kongresit. Komandanti i Divizionit XIII me qendër në Durrës, gjeneral Raimondo, me urdhër të gjeneral Piacentinit, ndaloi hyrjen në Durrës të autoriteteve të zgjedhura në Lushnjë, si edhe të çdo personi të armatosur. Ndërkohë ishin hequr simbolet kombëtare shqiptare dhe qe shpallur shtetrrethimi, më 3 shkurt 1920. Në Durrësi ishte vetëm një ministër i qeverisë shqiptare. Ushtria italiane në atë kohë numëronte 33 mijë ushtarë. Për të shmangur përplasjen me fuqitë italiane, autoritetet e dala nga mbledhja e Lushnjës, morën rrugën për në Shijak, me plan për t’u vendosur në Tiranë, ku filluan të bëhen përgatitjet e rastit. Komandanti vendor italian Orlando Freri, thirri pa vonesë parinë e Tiranë dhe u lexoi një mesazh të gjen. Piacentinit, ku theksohej “veprimi armiqësor i Francës dhe Anglisë” ndaj Shqipërisë.

Qeveria e drejtuar nga zëvendëskryeministri Eshref Frashëri dhe forcat e ministrit të Punëve të Brendshme, Ahmet Zogut, i dërgoi një notë proteste trupave italiane dhe iu shmang përplasjes me ta. Për shkak të kundërshtimit italian, qeveria e re vendosi të udhëtonte për në Tiranë më 11 shkurt 1920. Këshilli i Ministrave, më 12 shkurt vendosi që t’i dërgohej një letër kryekomandantit italian për heqjen e shtetrrethimit të qytetit, që të lajmëroheshin prefekturat e shtetet e mëdha për fillimin e punës të qeverisë, të përgatiteshin vulat e reja e të hartohej një raport për çështjet e administratës.

Më 15 shkurt 1920, Qeveria e Tiranës i kërkoi gjeneralit italian Orlando Freri-t, mosnjohjen e mospërkrahjen ndaj Qeverisë së Durrësit. Midis qeverisë dhe autoritetit ushtarak italian të Tiranës filluan bisedimet, pas të cilave, italianët njoftuan Qeverinë e Tiranës se mund të administronte edhe qytetin e Durrësit dhe se një forcë e vogël ushtarake mund të merrte në dorë aktet e qeverisë. Treshja e Qeverisë së Durrësit pati vullnetin dhe kurajën t’ia dorëzojë qeverisë së re edhe arkivat e saj. Komisioni i Qeverisë së Tiranës mori në zotërim administratën e Qeverisë së Durrësit më 22 - 23 shkurt 1920. Çudia më e madhe është se qeveria dhe regjenca vijuan të qëndrojnë në Tiranë, si duket edhe nga pasiguria që mund të kishin në Durrës. Në rast se gjeneral Piacentini nuk do jepte urdhrin për të mos lejuar hyrjen në Durrës që qeverisë dhe regjencës, mbase Tirana nuk do bëhej kurrë kryeqytet i Shqipërisë. Gjenerali vdiq në Itali në vitin 1921. 

1 koment

  • Përgjigju JanBrura

    Tadalis Sx Sans Ordonnance En Ligne buy cialis online usa Can I Purchase Acticin Cialis Cialis Generique Tunisie

    Diel, 29 Mars 2020 22:27 komentuar nga JanBrura

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Pirro Ahmetaj:Gëzuar 11 vjetorin e anëtarësimit në aleancën e Atlantikut të Veriut (NATO).

Politikë

Pirro Ahmetaj:Gëzuar 11 vjetorin e anëtarësimit në aleancën e Atlantikut të Veriut (NATO).

Të dashur bashkëAtdhetarë 🇦🇱, 4 Prill, 11 vjet më parë Shqiptarët realizuan një ëndërr shekullore: “i`u bashkuan aleancës më të fuqishme ushtarake të njerëzimit por edhe familjes së vlerave perëndimore”. Sa më...

Tragjedi në botën e modës, ndahet nga jeta stilisti legjendar i këpucëve. Dyshohet se u infektua me koronavirus

Globi

Tragjedi në botën e modës, ndahet nga jeta stilisti legjendar i këpucëve. Dyshohet se u infektua me koronavirus

Sergio Rossi, stilisti i njohur i këpucëve, ka vdekur në moshën 84 vjeçare. Nuk dihet ende shkaku i vdekjes së stilistit legjendar, i cili themeloi një nga markat më të...

Ja si parashikohet moti sot dhe nesër

Moti

Ja si parashikohet moti sot dhe nesër

Mot i variueshëm parashikohet te jete sot dhe neser, me ere te vrullshme dhe me prani te reshjeve te shiut.motSherbimi Meteorologjik Ushtarak ben me dije se dita e sotme parashikohet...

Sondazh

Nothing found!

Sondazh

Nothing found!