1941/Mbi ngjarjet e ndodhura në Pezë, raporti i regjentit të prefekturës

E mërkurë, 11 Mars 2020 17:29

Nga Kastriot Dervishi

Regjenti i Prefekturës së Durrësit, Jup Kazazi, i dërgon një raport Zyrës Politike dhe të Personelit (shërbimi sekret i kohës) të Ministrisë së Punëve të Brendshme në lidhje me ngjarjet në zonën e Pezës. Vlerësimi i situatës nga autoritetet e kohës si dhe dyshimet e tyre, shpalosen në këtë raport. Edhe në informacione të tjera ngjarjet e marsit 1941, nuk japin përshtypjen për ndonjë qëndresë antifashiste.

***

Ekstrakt nga raporti i datës 26.3.1941 i regjentit Jup Kazazi për MPB-në

Para datës së ngjarjes që kemi pas nderin të lajmërojmë atë ministri dhe pikërisht në datën 3 të këtij muaji, të quajturit Mesrin Merepeza nga katundi Pezë e Vogël, Abdulla Zenel Meta nga katundi Pezë Helmës si dhe Zyber Veli Kryeziu nga katundi Kryezi i rrethit të Nënprefekturës  së Kavajës, kanë pas plagosë me sëpatë të quajturit Jonuz Hasan Meta..., prandaj në momentin e parë është kujtuar se prerja e telit dhe qëllesa kundra automobilit të Conte Campello të ishte bërë prej të përmendurve. Mirëpo, pas dy orësh, dy nga guximtarët, d.m.th. Mesrin Merepeza dhe Abdulla Zenel Meta, u kapën në shtëpinë e një djaloshi 16-vjeçar pa armë.

Për arsye se plagosja ishte bërë me sëpatë dhe se guximtarët e saj u gjetën pa armë, dyshimi u hoq prej tyre dhe supozohet që ngjarjet ta kishin kryer Myslim e Shyqyri Peza me njerëz të tjerë kriminelë e ushtarakë të dezertuar që mbanin në shtëpinë e tyre ose prej kundërshtarëve të vëllezërve Peza me qëllim që të shtypin Karabinierinë të merrte masa kundër tyre mbasi ata ishin për çështje gjakmarrje.

Kjo prefekturë nuk kujton që prerjen e telit të telefonit dhe shtimjen kundër automobilit ta kenë bërë vëllezërit Peza me shokë, për arsye se këto ishin lënë të qetë nga autoritetet dhe kundra tyre nuk bëheshin ndjekjet e zakonshme. Pra për këtë shkak, s’kishin si t’i përgatisnin vetes së tyre atë ç’ka ju ngjau në mbrëmjen e datës 7 të këtij muaji.

Shtojmë se supozimi që ngjarja të jetë bërë nga ana e hasmëve të vëllezërve Peza për të shtyrë autoritetet e sigurimit publik që të merrnin masa kundra tyre është mjaft i përhapur edhe në opinionin publik të qarqeve përkatëse.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...