Të arrestuarit në mënyrë sekrete që bëheshin bashkëpunëtorë Sigurimi

Tuesday, 13 Prill 2021 12:19
Gjatë diktaturës, pjesa më e madhe e atyre që vinin nga shtresat e përndjekurve dhe bëheshin me forcë bashkëpunëtorë të Sigurimit, kalonin nëpërmjet një procedure terrori në kushtet e marrjes peng nga shteti. Kjo procedurë nuk zbatohej për komunistët dhe personat që konsideroheshin të besuar nga Partia e Punës. Kodi i Procedurave Penale të kohës kishte një hapësirë në të cilën pavarësisht se nuk shprehej drejtpërdrejt, i lihej vend interpretimit se mund të shfrytëzohej për rastet e arrestimeve sekrete.
 
Kësisoj një ndër format më të përdoruara nga Drejtoria e Parë e Sigurimit të Shtetit në MPB për të arritur rekrutime me material shtrëngues (kallëzime penale, materiale operative, etj), ishte ajo e arrestimit sekret. Personi i caktuar për t’u rekrutuar rrëmbehej në mënyrë të fshehtë. Dërgohej në degën e punëve të brendshme të rrethit, aty ku ishte një vend i posaçëm për këta lloj të arrestuarish. Me urdhër të prokurorit të përgjithshëm, asnjë prokuror nuk mund të hynte aty për kontroll. Pasi futej në vendin e izoluar, kandidati mbahej për 14 ditë nën kërcënimet e nisjes së një procesi ndaj tij, dënim apo ridënim. I tregohej një dosje hetimore.
 
Procedura niste nga dega e punëve të brendshme të rrethit, duke paraqitur “provat” për fajësinë e personit. Propozimi analizohej nga Drejtoria e Parë Sigurimit të Shtetit, e cila bashkëpunonte me hetuesinë (para vitit 1974 kjo ishte degë e Sigurimit, në vitet 1974-1983 drejtori e MPB-së dhe në vitet 1983-1991 organ kushtetues). Vendimi i arrestimit merrej nga hetuesi. Në rast se brenda 14 ditësh, i rrëmbyeri pranonte rekrutimin, atëherë veprohej sipas parashikimeve të Kodit të Procedurave Penale për “mosfillimin e çështjes penale”. Për këtë arsye titullari i hetuesisë urdhëronte hetuesin të mos fillonte çështjen penale për “interesa të rëndësishme shtetërore”. Në rast të kundërt, pra kur nuk pranonte, vijonte procedura e arrestimit dhe dënimit të personit. Rregullimin e këtij rasti e bënte urdhri i zëvendësministrit nr.oy, datë 21.6.1961, i ndryshuar më vonë. Me këtë procedurë janë shkaktuar kushedi se sa tragjedi, të cilat mund të ilustrohen në raste të tjera. Janë shtuar vite burgu për shumë të tjerë që nuk kanë pranuar rekrutimin.
Modifikuar më Tuesday, 13 Prill 2021 14:48

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ardit Çela publikon faktet tronditëse që zbuloi KAS në kutitë e Beratit!

Politikë

Ardit Çela publikon faktet tronditëse që zbuloi KAS në kutitë e Beratit!

  Kandidati i LSI (i pari në listën e partisë për qarkun e Beratit), Ardit Çela, ka publikuar ditën e sotme fakte skandaloze të manipulimit të votave të dala nga hapja...

Hapja e kutive të Beratit, kandidati i LSI-së: Zgjedhjet e 25 Prillit u vodhën, tmerrësisht dhe dhunshëm

Politikë

Hapja e kutive të Beratit, kandidati i LSI-së: Zgjedhjet e 25 Prillit u vodhën, tmerrësisht dhe dhunshëm

  Komisioni i Ankimeve dhe Sanksioneve ka hapur kutitë e parë të kontestuara të materialeve zgjedhore në Qarkun e Beratit, ku Lëvizja Socialiste për Integrim nuk e mori mandatin e deputetit...

Deklarata e plotë e Sekretarit të Përgjithshëm të LSI, Endrit Braimllari

Politikë

Deklarata e plotë e Sekretarit të Përgjithshëm të LSI, Endrit Braimllari

  Mirmbrëma! Hapja e kutive të Beratit tregon qartë masakrën elektorale të 25 prillit. Rilindja, jo vetëm përdori administratën publike, Policinë e Shtetit, grupet e strukturuara kriminale por dhe ka ndërhyrë...