×

Warning

JUser: :_load: Unable to load user with ID: 53

PROFIL/ Nga disident liberal në lider ksenofob, kush është Viktor Orban

Hënë, 09 Prill 2018 17:53

Partia e kryeministrit Viktor Orban fitoi zgjedhjet parlamentare në Hungari dhe shumicën absolute. Materiali na paraqet politikanin që urrente muret, por që në fund, vendosi të ndërtonte shumë të tillë kundër emigrantëve.

30 vite më parë, në 1988-n, në Hungari, ishte një disident liberal me flokë të gjata. Në letrën e tij të kërkesës për bursë studimi ndaj fondacionit të manjatit George Soros, i riu shkruante që Hungaria, nga diktatura do të transformohej në një demokraci.

“Një ndër elementët kryesor të tranzicionit është rilindja e shoqërisë civile”.

Djaloshi u vlerësua për këtë dhe përfitoi fonde për të ndjekur studimet në Oksford. Student Viktor, 30 vite më pas, është kryeministri Orban. Peshkopi i “Europës së Krishterë”, zotëria i “atdheut të bardhë” me kufij të kufizuar, bastioni kundër islamit, armiku i betuar i Soros dhe idetë kundër emigracionit, u ngjitën në skenën e suksesit elektoral, që e konfirmuan kryeministër të Hungarisë.

Fidesz është partia e zgjedhur nga 49% e qytetarëve, me 133 deputetë në Parlament, ka maxhorancën kushtetuese të dy të tretave në Asamblesë Kombëtare, një rezultat shumë i lartë, ashtu si pjesëmarrja në këto zgjedhje. Në skenën, ku ishte ngjitur për të festuar fitoren, Orban nuk këndoi për veten por për vendin e tij, politikën e tij dhe për traditën e “bardhë dhe katolike të Hungarisë”. Kjo ishte fitorja e tretë radhazi e Orban në zgjedhje, e katërta në total.

Nga lumi Danub, Fidesz është ngjitur në Shtëpinë e Bardhë hungareze, është një parti që korri një sukses të paparashikuar. Por bashkë me opozitën në Hungari, i humbur doli edhe Bashkimi Europian, që shpresonte në dobësimin e pushtetit të liderit ksenofob Orban. Ky qëndrim i Unionit erdhi pas kritikave të shumta që ka marrë dhe për shkak të shkeljeve të të drejtave të njeriut nga Hungaria. Por në fund populli zgjodhi, dhe fitoi përsëri ai.

Sëbashku me Angela Merkel, Orban është shefi i qeverisë që mbetet në pushtet prej shumë kohësh në Europë. Skandalet për korrupsion me miqtë, të afërmit dhe anëtarët e partisë së tij, të shpërthyer muajt e fundit nuk e kanë dobësuar. Kjo falë edhe kontrollimit të mediave vendase, që i kanë raportuar skandalet si sulme kundër kombit dhe kryeministrit.

Kapitalizmi i vetëkënaqësisë, retorika ksenofobe, doktrina e një partie-shtet të vetme: e kanë vendosur shtetin në shërbim të tij. Ai ka ndryshuar gjithçka në vendin e tij, që nga sistemi i drejtësisë – që tashmë është në dorë të qeverisë së itj – deri në atë ekonomik. Që nga 2010, me maxhorancë në parlament, ka aprovuar më shumë se 1 mijë ligje me vetëm pak orë debat.

Ndërkohë, Orban njihet për retorikën e ashpër kundër emigrantëve, veçanërisht atyre të besimit islam. Por në 1988-n, disidenti Orban thoshte se urrente muret. Në 2018-n, ai ka ngritur mure të rinj, të blinduar, kombëtar dhe personal. Hungaria që duhej të transformohej në demokraci, siç shkruante në letrat studentore, është shndërruar në një rast studimi i Europës për autokracinë e butë, i së cilës, ai është autori. Kështu ishte para zgjedhjeve, por do të jetë akoma më shumë pas tyre.

Modifikuar më Hënë, 09 Prill 2018 20:20
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...