Një ngjarje e rëndë ka ndodhur në Meksikë ku si pasojë e shpërthimit të një magazine me fishekzjarre kanë humbur jetën 24 persona.
Shpërthimi ka qenë i fuqishëm dhe ka përfshirë një magazinë në Tultepec, të Meksikës.
Mes viktimave janë katër zjarrfikës dhe dy policë të cilët shkuan në vendin e ngjarjes pas shpërthimit të parë, i cili u pasua edhe nga një tjetër.
Ndërkohë si pasojë e shpërthimeve të fuqishme të kësaj të enjteje, 49 persona të tjerë kanë mbetur të plagosur.
Siç lajmëruan autoritetet nga shpërthimi i parë, humbën jetën 12 persona. Por më tej shpërthimet e tjera, rritën bilancin e viktimave.
Autoritetet vendase po hetojnë për të zbuluar më shumë mbi rrethanat e ngjarjes.
