Pablo Casado, vetëm 37-vjeç do të drejtojë Partinë Popullore të Spanjës dhe ka zënë vendin e Mariano Rajoy-it. 

Ai mori një fitore të qartë në votimin e anëtarëve të Partisë Popullore (PP) dhe filloi mandatin e tij me një thirrje për unitet partiak, një Spanjë më të fortë në zemër të Evropës dhe ligje më të ashpra për të shmangur çdo lëvizje drejt pavarësisë nga rajonet e saj.

Casndio fitoi 1,701 vota në një votim të ligjvënësve dhe anëtarëve të tjerë të lartë të PP-së, duke mposhtur lehtësisht sfiduesen Soraya Saenz de Santamaria, e cila mori 1,250.

Ashtu siç e theksuam edhe më sipër Pablo Casado zuri vendin e Mariano Rajoy-it në parti. Kujtojmë që udhëheqësi i partisë Socialiste PSOE, Pedro Sanchez, u bë kryeministër i Spanjës pasi qeveria e Mariano Rajoy u rrëzua.

Sanchez kishte paraqitur mocionin pas një skandali korrupsioni që përfshinte Partinë Popullore të Partisë Rajoy (PP).

Kush është Pablo Casado?

Nga viti 2015 deri në vitin 2018 ai ka shërbyer si Zëvendës Sekretar i Përgjithshëm i Komunikimit të Partisë Popullore. Që nga korriku 2018 ai është kryetar i Partisë Popullore në Spanjë. 

Casado, 37 vjeç ka deklaruar se do të mbajë një qëndrim të ashpër ndaj separatistëve katalonas dhe dëshiron të ulë taksat. Ai do të ketë për detyrë të rindërtojë mbështetjen e partisë së qendrës së djathtë përpara zgjedhjeve rajonale, komunale dhe evropiane vitin e ardhshëm.

Casado, i cili shërbeu si shefi i komunikimit të partisë, u përshëndet me brohoritje dhe me qëndrime të forta ndërsa i drejtoi delegatët në Madrid të shtunën.

“Unë dua që ju të ktheheni në komunat tuaja, në rrethet tuaja, në fshatrat tuaja, në qytetet tuaja, për t’u rilidhur me shoqërinë. Unë dua që ju të nxisni votuesit tanë dhe të filloni përgatitjen e një projekti fitues për zgjedhjet e ardhshme”., u shpreh ai. 

Ai shtoi se partia kishte hyrë në një fazë të re dhe bëri thirrje për ripërtëritje ekonomike nëpërmjet përmirësimit të produktivitetit dhe taksave më të ulëta./Hashtag.al