Presidenti i SHBA-ve, Donald Trump i është përgjigjur ashpër kërcënimeve të presidentit të Iranit, Hassan Rouhani. Ai gjatë së Dielës kërkonte nga Washingtoni të hiqte dorë ndaj provokimeve për Iranin, sepse do të nxirrte “nënën e të gjithë luftërave” .

“Amerikanët duhet të kuptojnë mirë që paqja me Iranin është nëna e paqes,  dhe lufta me Iranin është nëna  e të gjithë luftërave dhe kjo e fundit do të linte vend vetëm për keqardhje, shkruante Rouhani.

Pas kësaj deklarate ka reaguar ashpër Trump përmes një postimi në tëitter.

Teksa i drejtohej liderit Iranian Rouhanit, Trump  e paralajmëron të mos “ kërcënojë më kurrë Shtetet e Bashkuara të Amerikës” ose do të vuajë pasoja të cilat pak shtete i kanë vuajtur përgjatë historisë” Ai shkruan se Rouhanin  po përdor “ Fjalë të çmendura të dhunës dhe vdekjes”.

Presidenti amerikan është i njohur për  përdorimin e tij të lirë të shkronjave kapitale në twitter, por si rrallëherë, ky postim ishte i ndërtuar i gjithë me shkronja kapitale.