Zvicra u trondit të shtunën nga dy aksidente ajrore. Policia ka konfirmuar sot (5 gusht) se të 20 personat në bordin e një aeroplani të vjetër që u përplas në malin Piz Segna kanë vdekur.
Në aeroplanin që po udhëtonte drejt Alpeve zviceriane ndodheshin 17 pasagjerë, dy pilotë dhe një stjuardesë. Viktimat janë 17 shtetas zviceranë dhe një familje prej tre anëtarësh nga Austria, raportoi policia.
JU-52 është ndërtuar nga gjermanët në vitin 1939 dhe ishte në pronësi të kompanisë ajrore JU-Air që ofron fluturime panoramike në vendpushimin alpin të Flims. Aeroplani Junker u rrëzua në lartësinë 2,540 metra mbi nivelin e detit. Nuk dihet ende shkaku i aksidentit.
